Almatyda jyljymaly jumyspen qamtý ortalyǵy adamdar kóp shoǵyrlanatyn oryndardy aralap, turǵyndarǵa jańa jumys oryndaryn usynyp jatyr.

Eriktiler eki qolǵa bir kúrek tappaı jurgen jandardan anyqtama jınap, qalalyq jumyspen qamtý ortalyǵyna tapsyrady. Ári qaraı olarǵa bos jumys oryndary bar mekemeler ózderi habarlasady. Mysaly, jyljymaly ortalyq jyl basynan beri jumys izdegen 600 adamdy tirkegen. Oǵan qosa 2 myń turǵynǵa keńes berdi. Ortalyq jyl boıy qala aýmaǵyn aralap, jumyssyz jastarǵa qoldaý kórsetedi.

“Biz jumys izdep júrgen turǵyndarǵa keńes berip, olardyń anyqtamasyn qabyldap alamyz. Sonymen qatar munda jumyspen qamtý ortalyǵynyń mamandary bolady. Olar qazirgi kezde qandaı mamandyqtarǵa suranys bar nemese qandaı sala boıynsha bos oryndar bar ekeni týraly aqparat beredi”, – dedi qalalyq Jastar saıasatyn damytý memlekettik qorynyń dırektory Alma Aýǵanbaeva.