"Monıtorıń jáne analız" ortalyǵynyń uıymdastyrýymen Almaty qalasy Almaly aýdanyndaǵy "Qazpochta" aksıonerlik qoǵamynyń qyzmetkerlerimen "Destrýktıvti jat aǵymdar" taqyrybynda kezdesý ótti. Kezdesýdi Qazaqstan-Reseı medısınalyq ýnıversıtetiniń oqytýshysy, dintaný mamandyǵynyń magıstri Berıkbaev Elnar ótkizdi. Jalpy kezdesýge 41 adam qatysty. Kezdesý barysynda pochta qyzmetkerlerine jat aǵymdardyń yqpaly men qazirgi tańdaǵy jaǵdaıyn tanystyryp ótti.

Dinı birlestikterdiń arasynda qazaq halqynyń salt-dástúrine qarsy shyǵyp, zaıyrly, memlekettik mekemelerge qarsy is-árketterimen qosa mektepterde dene shynyqtyrý, mýzyka, beıneleý sekildi sabaqtardy boldyrmaý kerektigin ashyq aıtty. Osy sekildi erejelerdi ustanatyn aǵymdardan saqtaný kerek ekendigin jáne kúdikti áreketter baıqalsa der kezinde tıisti oryndarǵa qońyraý shalý kerektigi aıtyldy.

Sonymen qatar, semınarda emhana qyzmetkerleriniń de máseleleri talqylandy. Namaz oqýǵa meshitke barǵanda bóten adamdardyń qoldan satyp júrgen kitaptaryn almaýǵa jáne namaz oqýdy úıretemin dep júrgen adamdardyń áreketterinen saqtaný kerek. Internet jelisinde taralyp jatqan ár-túrli ýaǵyzdardan saq bolyp, qajetti suraqtaryna jaýapty meshit ımamdarynan suraý kerek ekendigi aıtyldy.

Tanysyńyzdan nemese týysyńyzdan din týraly túsiniksiz áńgimesin baıqasańyz, ýaqytynda qalalyq ońaltý ortalyqtarymen baılanysý kerek. Semınardy qorytyndylaı kele, kez-kelgen elimizdiń turǵyny, dinı túsiniksiz jaǵdaılarǵa tap bolsa, sol mezette dinı basqarmamen baılanysýǵa shaqyrdy.