"Jaýhar" ulttyq salt-dástúrdi qoldaý qory» qoǵamdyq qory Almaty qalasy din isteri jónindegi basqarmasynyń qoldaýymen 19-20 shilde kúnderi Almatyda "Din, dinı ekstremızm men terorızmniń aldyn alý" máseleleri boıynsha buqaralyq aqparat quraldarynyń ókilderi men blogerler úshin aqparattyq jáne oqytý eki kúndik semınar-trenıngin ótkizdi.
Semınar barysynda BAQ ókilderi men blogerlerge din salasynda qabyldanǵan zańdar men tujyrymdamalardy nasıhattaý jáne konfesıaaralyq kelisim salasyndaǵy negizgi máseleler, dinı qyzmet salasyn retteýdiń ózekti suraqtary men azamattarǵa jańa formattaǵy aqparat alý jumystaryn uıymdastyrý máseleleri baıandaldy.
Oqytý semınarynyń maqsaty ekstremızm men lańkestikke qarsy turý máselelerin sheshýde memlekettik organdar men buqaralyq aqparat quraldarynyń ózara árekettesý joldaryn úırený, dinı taqyryptardy jáne konfesıaaralyq kelisimdi belgileý, sondaı-aq BAQ arqyly azamattarǵa aqparat berýdiń nysandary men ádisterin zertteý boldy.
