31 arna búkil álem men Qazaqstannyń túkpir-túkpirinen «I`m a singer Kazakhstan» shoýyna qatysýǵa nıet bildirýshilerden úsh aı boıy ótinish qabyldaýmen boldy. Sótip, mine, 28 shildede ótinish qabyldaý aıaqtalady. Alda jańa kezeń – jeńiske úmitker úzdikterdi tańdaý kezeńi!
Aıta ketý kerek, bıyl joba uıymdastyrýshylary tym úlken jomarttyq tanytyp otyr. Shoýdyń júlde qoryn 50 mıllıon (!) teńgege kótergenimen qoımaı, «I`m a singer Kazakhstan» jobasyna 16 jastan bastap qatysýǵa ruqsat etti. Oǵan qosa, kásibı tájirıbe de talap etilmeıdi. Jobaǵa qatysý singer.31.kz saıtynda anketa toltyrý kerek. Demek, qushtarlyq shoǵy shoý bastalmaı jatyp qyza túsedi degen sóz, óıtkeni básekelester sany artyp jatyr. Byltyr jobaǵa qatysýǵa 3,5 myńnan astam kásibı oryndaýshylar ótinish bildirse, bıyl, qatysý talaptarynyń jeńildeýine baılanysty talapkerler sany eki ese kóbeıdi. Alda olardy qaınaǵan básekelestik kútip tur!
Oǵan qosa, shoýdyń aýqymy da keńeıe tústi. Birinshiden, qatysýshylar alyp sahnada óner kórsetedi jáne burynǵydan áldeqaıda kóp nomermen shyǵady. Ekinshiden, aýdıtorıasy birneshe mıllıon kórermenge kúrt ósti. Sebebi shoý bir ýaqytta eki arnadan, ıaǵnı 31 arnamen qatar MUZZONE TV arnasynan jáne qatysýshylardyń óz elderindegi arnalardan ekranǵa shyǵady. Iaǵnı, bul shoýdyń qatysýshylaryn dúnıejúzi tanıdy. Máselen, «I`m a singer Kazakhstan» shoýynyń birinshi maýsymy álemniń alty elinde translásıalanyp, 200 mıllıonnan astam adam tamashalasa, bıyl «I`m a singer Kazakhstan» shoýyna qatysýǵa Qytaı, Grýzıa, Túrkıa, tipti Úndistannan da úmit bildirgender bar.
Esterińizge salaıyq. Shoýdyń birinshi maýsymynda álemniń alty elinen kelgen 8 kásibı ánshi birinshi oryn úshin talasqa túsken bolatyn (birinshi maýsym týraly tolyǵyraq http://singer.31.kz saıtynda).
Joba kórermender tarapynan úlken qyzyǵýshylyqqa ıe boldy. Onyń ústine, olar zalda otyryp ta, SMS arqyly da daýys berýge qatysqan bolatyn. Al qazylar alqasy áıgili ártisterden quraldy. Qysqasy, uıymdastyrýshylar bıyl da juldyzdy quram bolady dep sendirýde, degenmen sarapshy qazylar quramyndaǵy 4 adamnyń esimi qupıa bolyp qala bermek.
Oryndaýshylardyń ónerin baǵalaý úshin qazylar alqasy tarapynan joǵary kásibı deńgeı talap etiledi. Sebebi shoýǵa qatysýǵa árkimniń múmkindigi bolǵanymen, qatysýshy baıqaýdyń halyqaralyq deńgeıine laıyq óner kórsetip, kúlli álemniń aldynda uıatqa qalmaýy qajet. Sol sebepti ánshi jaqsy daýys ıesi ǵana emes, tamasha daıyndyqpen kelýi shart. Birinshi maýsymda qatysýshylar kúrdeli nomerlermen sahnaǵa shyqty. Onyń ishinde álemdik estradanyń túrli janrdaǵy hıt ánderi boldy. Barlyǵy orkestrdiń nemese kásibı jaz-bendtiń súıemeldeýimen oryndaldy. Al buǵan árkimniń sheberligi jete bermesi anyq.
«I`m a singer Kazakhstan» jobasynyń aýqymy, qamtyǵan aýmaǵy, deńgeıi, oryndaýshylardyń sapasy, jalpy uıymdastyrylýy jaǵynan qazaqstandyq telenaryqta oıyp turyp oryn aldy. Ol jyl saıyn jetilip keledi. Ekinshi maýsym burynǵydan da qyzyqty ári tartysty bolady dep ýáde beremiz. Sebebi jobany jasaýǵa 31 arnanyń eń myqty mamandary jumylyp kirisip jatyr.
