Almatydaǵy turǵyn úılerdiń barlyǵy jyl aıaǵyna deıin jylý eseptegish quraldarymen qamtylady. 

Qazirgi tańda mundaı jabdyq kópqabatty úılerdiń 63 paıyzynda bar. Qaladaǵy 7713 úıdiń 5300-ine únemdeý quraly qoıylǵan. Jyl sońyna deıin taǵy 2500 úıge ekonom quraly ornatylady. Mundaı jumys respýblıka boıynsha júrgiziledi.  

«Qazaqstan boıynsha jylý eseptegish quralymen jabdyqtaý 45 paıyzdy qurap otyr. Qalǵan 55 paıyzdy biz 4 kezeńge bólip otyrmyz. Iaǵnı, 4 jyl aralyǵynda komýnaldyq sala tolyǵymen sıfrlanady. Osy arqyly energetıkalyq karta jasap, ár úıdiń qansha jylý paıdalanatynyn esepteýge bolady. Jylý eseptegish quraldaryn ornatý arqyly,  jylýǵa buǵan deıin jumsalyp kelgen qarajatty barynsha únemdeýge múmkindik bergen», – dedi «TKSH QazOrtalyq» AQ basqarma tóraǵasynyń orynbasary Meıirjan Maıkenov.

Turǵyn úı komýnaldyq sharýashylyq salasyn sıfrlandyrýdyń múmkindigine  baılanysty forým ótti. Oǵan 80-ge jýyq shaǵyn jáne orta bıznes ókilderi qyzyǵa qatysty. Sondaı-aq, qalanyń komýnaldyq kompanıa ókilderi jáne Almaty qalasy ákiminiń orynbasary Almas Mádıev at salysty.

«Túpki maqsaty jalpy tutynýshylardyń jalpy osy salada jumys istep jatqan kompanıalardyń qyzmetterin arttyrý. Tutynýshylarǵa maksımaldy túrde qyzmet kórsetý, sapasyn kóterý», – dedi «ALMATY» áleýmettik-kásipkerlik korporasıasy» UK» AQ ınvestorlarǵa qyzmet kórsetý ortalyǵynyń dırektory Berikbol Mándibaev.