Shymbulaq taý-shańǵy kýrortyna básekelester kerek. Búgin Almatyda bastalǵan İİİ halyqaralyq taý sporty festıvalinde atalǵan kýrort basshysynyń ózi osyndaı usynys tastady.
3 kúnge sozylatyn shara qazaqstandyq jáne sheteldik týrıserdiń, sport jankúıerleri men belsendi demalystysty súıetin jandardyń basyn qospaq. Festıváldiń alǵashqy kúninde Almaty qalasynyń ımıjin otandyq jáne halyqaralyq sport týrızmi úshin tartymdy ortalyq retinde qalyptastyrý jaıy sóz boldy. Shetelden kelgen sarapshylar men tanymal saıahatshylar óz tájirıbelerimen bólisip, megapolısti týrıserdiń súıikti jerine aınaldyrýdyń túrli joldaryn aıtty.
Halyqaralyq taý sporty festıvaliniń alǵashqy kúni pikir almasýmen, tájirıbe bólisýmen bastaldy. Sheteldik sarapshylar megapolıstiń týrıser úshin qyzyqty meken bolatynyna senimdi. Jaıly klımat, sulý tabıǵat, bıik taýlar men qonaqjaı halyq – bizdiń artyqshylyǵymyz. Tek ınfraqurylymdy damytyp, ártúrlilendirý kerek. Shymbulaqqa kelsek, ol óz shyńyna jetti. Ony ármen qaraı damytýdyń esh máni joq,-deıdi mamandar. Qaıta bizge áriptes-básekelester kerek dep pikir bildirdi taý shańǵy kýrortynyń basshysy.
«Biz Almaty oblysy mańaıynda Shymbulaq sekildi taý shańǵy kýrorttaryn, taý týrızmin, taý sportyn damytýdy qos qoldap qoldaımyz. Nege deseńiz, demalys kúnderi Shymbulaqqa adam tym kóp keledi. Senbi-jeksenbi kúnderi 10 myńnan asa adam kelgende, qyzmet kórsetý túrlerine de zıan keledi ári bul qaýipti. Budan bólek, sheteldik týrıserdi tartý úshin bir ǵana emes, birneshe orynnyń bolǵany jaqsy», – dedi «Shymbulaq» TSHK dırektory Erjan Erkinbaev.
Álemniń 140 elinde bolǵan shved saıahatshysy Iohan Nılson taý týrızmin nasıhattaýǵa ataqty adamdardy tartý tájirıbesimen bólisti. Jıhankez Almaty týrızmin damytý úshin jaqsy pıar men tıimdi týrısik paketterdiń qajettigin aıtty.
«Qazaqstanǵa alǵash ret kelip tursam da ásem tabıǵaty meni baýrap aldy. Sizderde týrızmdi damytý úshin tıimdi jaǵdaılar jetkilikti: bir ǵana vızasyz rejımdi alaıyq. Álemniń kóptegen elinen birneshe saǵat ishinde-aq Almatyǵa ushyp kelýge bolady. Endigisi – jaqsy jarnama jasaý. Máselen halyqaralyq deńgeıdegi telearnalyq shoýlar arqyly PR jasaýǵa bolady», – dedi tanymal saıahatshy (Shvesıa) Iohan Nılson.
Jıyn barysynda osy salanyń jetekshi sarapshylary taý týrızminiń álemdik naryǵyn jáne onyń Almatydaǵy alar ornyn, sondaı-aq, týrızm ındýstrıasynyń qala ekonomıkasyn kóterýdegi rólin talqylady. Óz tájirıbesimen bólisken Fransıadaǵy taý shańǵy kýrortynyń basshysy Qazaqstan týraly nasıhat júrgizýge elshilerdiń róli zor ekenin atap ótti.
«Kóbisi Qazaqstan týraly bilmegen soń, kelýge qorqady. Áıtpese, tabysty týrısik el bolý úshin sizderde kerek nárseniniń bári bar. Qalanyń qandaı ádemi ekenin óz kózimmen kórdim. Meni tánti etken dúnıeniń biri – kıiz úı. Meniń oıymsha, ár eldegi elshiler belsendi jumys isteýi tıis. Álemge ashylý kerek», – dedi taý-shańǵy shıpajaıynyń bas dırektory (Fransıa) Lýkas Marshand.
Erteń festıvál aıasynda tabıǵı relefte sporttyq jartasqa órmeleý boıynsha halyqaralyq jarys ótedi. Odan bólek, bir emes, birneshe asýdy baǵyndyrǵan dástúrli alpınıada qatysýshylary «Molodejnyı» shyńyna kóterilmek.
Festıvál qonaqtary sonymen qatar, maýntın-baık boıynsha saıys jáne túrli taý sporty is-sharalaryn tamashalaıdy. Festıvál kezinde arqanjolda jol aqysy baryp qaıtý úshin nebári 500 teńgeni quraıdy.
