Sybaılas jemqorlyqqa qarsy kúresti ár qazaqstandyq ózinen bastaý kerek.

Osy maqsatta Almaty qalasynyń memlekettik qyzmet isteri jáne sybaılas jemqorlyqqa qarsy is-qımyl departamenti «Adal jol» marafony aıasynda Densaýlyq kúni aksıasyn uıymdastyrdy. Almaly aýdanynyń dárigerleri Arbat alańynda turǵyndarǵa tegin medısınalyq kómektiń kepildi kólemi jóninde keńes berip, suraqtarǵa jaýap berdi.  

«Áleýmettik sala bolsyn, densaýlyq salasy bolsyn, bilim salasynda parasyz ár azamat osy memlekettik qyzmetti alýǵa tıis. Jáne osyny biz nasıhattap jatyrmyz. Eń birinshi maqsaty Adal jol - Chestnyı pýt degen marafonnyń halyqtyń sana-sezimin ashý jáne ózimizden bastaý», – dedi  Almaty qalasy Memlekettik qyzmet isteri jáne sybaılas jemqorlyqqa qarsy is-qımyl departamentiniń basqarma basshysy Elnar Igilikov.