Endi Almaty ortalyǵyn damytý tujyrymdamasyn birneshe sáýletshiler toby usynady. Ol sáýlet jáne qala qurylysy basqarmasy janynan qurylǵan.

Jas kásibı mamandar, frılanserler, ardager qurylysshylar bas qosqan ár top óz jobalaryn jasap, usynystaryn búge-shegesine deıin oılastyratyn bolady. Búgin qoǵamdyq keńes músheleri aldynda esep bergen qalanyń bas sáýletshisi atqarylǵan jumystar boıynsha esep berip, usynystardy tyńdady.

«Meniń oıymsha kelesi aptada osy 4 toppen kezdesý ótkizemiz. Árqaısysy eski qalany damytý boıynsha tujyrymdamalaryn daıyndaıdy», – dedi Almaty qalasy Sáýlet jáne qala qurylysy basqarmasynyń basshysy Nurlan Ýranhaev.

Jaýaptylardyń aıtýynsha, kez kelgen ǵımarattyń syzba jobasyn bekitken kezde, kishigirim saraptama júrgiziledi. Sonymen qatar, nysannyń maketi jáne tıesili aýmaqty kóriktendirý jumystary kórsetilýi shart. Qurylys kompanıasy qajetti aýmaqtaǵy ınfraqurylymmen tanysý úshin Almatynyń úsh-D (3D) kartasyn paıdalanýǵa bolady. Qazir ol seısmıkalyq aımaqtardy qosqanda, 160 bólimdi qamtyǵan.