Shymbulaq taý shańǵy kýrortynda 3 kún boıy ótken halyqaralyq taý jáne sport festıvali óz máresine jetti.

Festıvál qysqy týrızmdi unatatyn qazaqstandyq jáne sheteldik týrısermen qatar, belsendi demalysqumar jandar úshin aıtýly sharaǵa aınalyp ketti. Bıylǵy  forýmnan keıin «Molodejnyı» shyńyna shyqqan 150-den astam qatysýshynyń basym bóligi týrıs eken.

Sondaı-aq, qatysýshylar ekstremaldyq sport túri – maýntın baık, ıaǵnı taýdan velosıpedpen túsý boıynsha baq synasty. 43 ekstremal  5 shaqyrymdyq kedergilerge toly joldy 4 mınýtta baǵyndyrýdan jarysty.

«Búgin taýdaǵy aýa-raıy keremet. Daýn Hıll úshin óte qolaıly bolyp tur. Biraq men úshin bul joly aınalmalardy, tasty eńserý qıynǵa soqty. Sondyqtan birshama ýaqytty joǵaltyp aldym. Basqa qatysam deýshiler úshin arnaıy daıyndyq pen forma  kerek. Áıtpese, bir qatelik jiberseń, taýdan tómen qulap ketýińiz yqtımal. Al festıválde barlyq qaýipsizdik talaptary jasalǵan. Jarys qyzyq ótti», – deıdi festıvál qatysýshysy Iýrıı Shılen.

«Úshinshi jyl bolǵandyqtan, sapasy joǵarylap osy jyly óte jaqsy ótti dep pikir bildirip jatyr shetelden kelgen qonaqtar. Festıválge birtindep shetelden kelýshiler qatary kóbeıip jatyr. Ózimizdiń adamdar da kóbirek bilip, estip, aǵylyp jatyr. Olarǵa Shymbulaqqa kelip, festıváldi tamashalaýdyń ózi qyzyq. Qyzmetkerlerimiz ár adamǵa kóńil bólip, nazar aýdaryp, yńǵaıly jaǵdaı jasap jatyr», – dedi «Shymbulaq» TSHK marketıń bóliminiń menedjeri Ásem Nurseıitova