Almatyda jeke úılerdi salý jeńildetildi. Endi baspana ıesi burynǵydaı quzyretti oryndardyń tabaldyryǵyn tozdyryp, qushaq-qushaq qaǵaz tasymaıdy.

Almaty qalasynyń Memlekettik sáýlet-qurylys baqylaýy basqarmasynyń basshysy Baǵdat Mánizorovtyń aıtýynsha, 6 shildeden bastap qurylys júrgizýge qajetti ruqsattardy alý júıesi jeńildetildi. Buǵan deıin tehnıkalyq, avtoryq qadaǵalaý kómegine, sáýletshi jumysyna mıllıondaǵan qarajat ketken eken.

«Jekemenshik úı salý úshin adam aldymen qalalyq arhıtektýradan ruqsat alady, onyń eskızdik jobasy sodan keıin saraptamadan ótedi. Ony avtorlyq tehqadaǵalaý deımiz, sonymen kelisim-shartqa otyratyn. Qazir óte jaqsy jeńildik jasalyp otyr. Álgindeı áýre-sarsańnyń bári toqtatyldy. Tek sáýlet basqarmasynan arhıtektýralyq-josparlyq taprsyrma alady», – dedi Almaty qalasy Memlekettik sáýlet-qurylys baqylaýy basqarmasynyń basshysy Baǵdat Mánzorov.

Biraq barlyq jaýapkershilikti jeke turǵyn úı ıesi arqalaıdy. Bul jeńildikter jer úı men eki qabatty baspanalarǵa arnalǵan. Al eki qabattan kóp úı salynatyn bolsa, úırenshikti jolmen ruqsat alý shart. Óıtkeni Almaty qalasy seısmologıalyq qaýipti aımaqta ornalasqan.

Jalpy qala boıynsha qazir 1 608 nysannyń qurylysy júrip jatyr. Onyń 405-i búdjet esebinen salynsa, qalǵany jeke qarajat esebinen boı kóterýde. Jyl basynan beri júrgizilgen tekseris nátıjesinde 65 zańsyz qurylys anyqtalǵan. Tıisti jumys aıaqtalǵan soń bul nysandar súriledi. Al qurylys normalaryn saqtamaǵandarǵa jyl basynan beri 91 mıllıon 100 myń teńge kóleminde aıyppul salynǵan. Bul ótken jylǵy kórsetkishpen salystyrǵanda edáýir tómen.