19 naýryz. Qamshy.kz - Búgin Almaty qalasy Menedjment Ýnıversıtetinde halyqaralyq "Skolkovo" qorynyń uıymdastyrýymen "Start up Tour 2015" jobasynyń Qazaqstandaǵy kezeńi ashyldy. Bul týraly "Qamshy.kz" portaly habarlaıdy. Atalmysh sharanyń ashylý saltanatynda sóz alǵan QR Invıstısıa jáne damý mınıstri Áset Isekeshov "Start up Tour 2015"-ke qatysýshylarǵa sáttilik tileı otyryp, onyń álemdik aqparattyq, bıologıalyq, medısınalyq, energetıkalyq, ónerkásiptik ınovasıalyq tehnologıalarǵa qoldaý bildiretin EAEO aıasyndaǵy mańyzdy joba ekenin atap ótti. Reseıde bastaýyn alǵan "Start up Tour 2015"-tiń Qazaqstandaǵy kezeńiniń ashylýyna Qzaqastan men Reseıden 500-deı sarapshylar men 50-deı spıker ınovasıalyq ekonomıkalyq júıe sheńberinde baıandamalar jasady. Aıta ketetini, "Start up Tour 2015" sharasy aımaqtardaǵy jas daryndar men ǵalymdardyń, ónertapqyshtar men jańa bastaýshy kásipkerlerdiń, tehnopark ókilderi men JOO ǵylymı ınstıtýttarynyń jobalaryna qoldaý bildirý, qalyptasýyna, joǵarǵy tehnıkalyq naryqta qajettiligi mol ınovasıalyq sheshimderdi izdeý, olarǵa kómek berý úshin uıymdastyrylyp otyr.

Áset Isekeshov, QR Invıstısıa jáne damý mınıstri:

 Almaty dúnıejúzi boıynsha "Start up Tour" sharasyn ótkizip otyrǵan altynshy qala, al TMD elderi ishinde birinshi qala bolyp otyr. Bıylǵy jyldan bastap reseılik "Skolkovo" qorynyń "Start up Tour" jobasy halyqaralyq mártebege ıe boldy.Reseıdiń 10 qalasynan basqa "roýd-shoý" kartasyna Belorýsıa jáne Qazaqstan da enip otyr. Sondaı-aq, Almaty estafetasyn jalǵastyrýǵa Tatarstan jáne Bashqurtstan nıetti. Bul jobanyń mańyzdylyǵy - jigerli, jas daryndardyń arasynda ınovasıalyq kásipkerliktiń ıdeıasyn taratý jáne ǵylymı zertteýlerdiń nátejıelerin kásipkerliktiń múmkindikterimen baılanystyrýǵa kómektesý ekeninde jatyr. Maqsat, baǵdar aıqyn. Osynda jas ǵalymdar men ónertapqyshtarǵa qoldaý bildirýimiz kerek. Osy rette Qazaqstandaǵy JOO-nyń mańyzdylyǵy erekshe. Qazir, kóptegen JOO-y tek bilim berýmen aınalysý prınsipine súıeneýde. Al JOO-da tek bilim berýmen ǵana emes, ǵylymǵa tereńdetip oqytý, Ýnıversıtet qabyrǵasynan jas danyrdardyń osyndaı jobalaryn daıarlaý óte mańyzdy bolyp tabylady. Nurzat Toǵjan