Almatyda Qazaqstandaǵy áskerı klýbtar «Qara maıor» júldesi úshin baq synasty. 100-den astam sportshylary tatamıde kil myqtydan kim myqtyny anyqtap jatyr. Áskerı jekpe-jekke 11 oblystan 18-ge tolmaǵan jasóspirimder jınalǵan. Uıymdastyrýshylar bul dodany dástúrge aınaldyrmaq.

«Áskerı saptaǵy azamattardyń barlyǵyn otan súıgishtikke baýlýǵa jáne qarýly kúshter sanatyndaǵy sportpen shyńdalǵan azamattardy daıyndaý baǵytynda ótkizilip otyrǵan dúnıe. Shyn máninde bul óte úlken qurmet. Ekinshi jaǵynan, bul ózimizdiń Elordamyzdyń 20 jyldyǵy qarsańynda kelip otyr»,-dedi QR Parlamenti májilisiniń depýtaty Baqytbek SMAǴUL.

Jarys júldegerlerine medaldar men Borıs Kerimbetov týraly jazylǵan kitap tabystalady. Sonymen qatar bas júlde alǵan klýbqa kýbok qarastyrylǵan. Sondaı-aq dodada top jarǵan jetkinshekterge áskerı ınstıtýtqa túsýge jeńildikter qarastyrylǵan.