Almatyda uzaq ómir súrý ortalyǵy ashyldy. Qalalyq ákimdiktiń qoldaýymen ashylǵan mekeme egde jastaǵy adamdarǵa qyzmet kórsetedi. Bul zeınetkerlerdiń zeınetke shyqqan soń jalǵyzsyrap, qoǵamnan bólinip qalmaýyna kómektesedi. Qulshynysy bar qarttarǵa shet tilderin de úıretedi. Qarıalarmen qala ákimi de kezdesti.
Tereń tynystaý arqyly qan aınalymyn kúsheıtip, qatyp qalǵan qol aıaqty soza, san túrli qımyldar jasap jatqan qart oqýshynyń biri Nına Aleksandrqyzy. 82 jasta bolsada shıraq qımyldap, uzstazdyń úıretkenin birden oryndap jatýyma 50 jyldan asa basseıinde júzýim járdemdesip jatyr, - deıdi.
«Iogaǵa birinshi ret jazylyp, qatysyp jatyrmyn. Maǵan óte unady. Barlyq denemizdi qozǵaltamyz. Baspaldaqtarmen jaqsy júretinmin, qazir azdap tize býyndarym syzdaıdy. Jattyǵýlardan soń jaqsarady dep úmittenem»,-dedi Nına Lısına.
Zeınetten soń zerikpeımin degen zamandastar ortalyqta ıoga, aerobıkadan bólek, aǵylshyn tili, kompúterlik saýattylyqtaryn da kótere alady. Shahmat, ústel tenısin oınaýdan bólek qarıalarǵa zańger, psıholog mamandar tegin kómek kórsetedi.
«Almaty qalasynyń áleýmettik baǵdarlamalar basqarmasy ashyp otyr ortalyqty. Al osy ortalyqta jumystyń bárin qarıalarǵa arnap "Kúmis ǵasyr" qoǵamdyq qorynyyń qyzmetkerleri atqarady. Ol qordyń qyzmetkeriniń ishine jańaǵy dárigerler, medbıke, zańger, psıholog, ıoga terepıa júrgiziledi»,-dedi "Kúmis ǵasyr" QQ "uzaq ómir ortalyǵy" jobasynyń jetekshisi Aınur Eshmanova.
Almaty turǵyndarynyń 12 paıyzy zeınetkerler. Qarıalar ǵumyryn jaqsartý úshin arnaıy jol kartasy da jasaldy. Joba júzege asqaly 32 áleýmettik klýb ashylǵan. Kompúterde ǵarip terip, ǵalamtordy aqtarýdyń joldaryn bir myńnan astam zeınetker zerdelegen. Aldaǵy eki jyldyń ishinde kórsetkishti 40 paıyzǵa jetkizý josparlanǵan. Jýyq arada qarjy tabam degen qarıalardy qoldaýǵa arnalǵan Ata-Apa ınternet saıty ashylmaq.
«Ózderińiz bilesizder, kári adam úıde otyrǵanda mindetti túrde bir jeri aýyrady. Al bul ortalyq adamnyń oıyn ondaı keleńsizdikten arashalaıdy. Jattyqtyrýshy mende, óziń jekeleıde jumys jasaýǵa múmkindik bar eken osy jerde. Maǵan óte unady»,-dedi Nına Nıkolaenko.
Jalpy jyl saıyn 4 myńdaı qalalyq qarıalar shıpajaılarda em alsa, 17 myńnan astam adam áleýmettik járdemaqy alady. Sondaı-aq zeınetkerlerdiń 75 paıyzy qoǵamdyq kólikterde tegin júredi. Bıyl 800-deı jandy fıtnes-klýbtar men baseınderge aparý josparlanǵan. Al búgin ashylǵan uzaq ómir ortalyǵy kúnine 75 qarıanyń kóńil kúıin kúıtemek.
