Jýrnalıser! Ekpe salǵan balalardyń jaǵdaıy aýyr. Marjan degen Anamen sóılestim. Qyzy 1 aıdan beri nashar eken. Mekteptegi dárigerler ruhsatsyz salǵan ekpeniń kesirinen júıke júıesi zaqymdanǵan. Jaýapsyz suraq kóp. Úndistannan kelgen ekpe zertteldi me? Eger senimdi bolmasa balalarǵa nege ekti? Em izdep shyryldaǵan ata-anany "balalaryń ótirik aýyryp jatyr UBT-ǵa qatyspas úshin" dep aıyptapty bireýler. Almatyǵa shıpa izdep kelgen ákege bir dáriger: "Qyzyńdy jyndyhanaǵa aparyp emdet" depti... Jýrnalıser nege únsiz? Depýtattardyń daýysy nege báseń? Kúni keshe ǵana "jalaqymdy qysqartpa" dep attaǵan depýtattar qaıda qaldy? Halyqqa nege qyzmet etpeıdi, nege Densaýlyq saqtaý mınıstrine saýal joldamaıdy? Ol ekpeni Jańaózennen basqa taǵy qaı aımaqtarǵa taratty? Qaýipsizdik sharalary qarastyryldy ma? Basqa balalarǵa zıany tımeı me? Adam taǵdyry saılaý men saıası naýqandardan qundy. Sondyqtan zańdar ADAMDARǴA qyzmet etsin! Dabyl qaǵaıyq! Qoǵamdyq pikir týǵyzaıyq!

Názıa Joıamergenqyzy, Facebook paraqshasynan