Aıdyń-kúnniń amanynda ”Qazaqfılm” menedjmenti 5 gektar jerinen Zańdy túrde aırylyp qaldy. Ágerekı, olıgarh-qurlysshynyń kózi osy jerge tússe, mynandaı menedjment “kómegimen” “Qazaqfılmdi” bankrot qylyp, ornyn qurylys alańyna aınaldyrmasyna kim kepildik beredi? “Naryq zańy sondaı”, dep kónemiz. “Qazaqfılm” qazaqtyń rýhyn jańǵyrtýda dep, aýyz toltyryp ta aıta almaımyz. Ras, prodúser Azımovtyń 40 mln. dollarǵa jasaǵan “Kóshpendileri” men prodúser Amanshaevtyń 10 mln. dollarǵa túsirgen “Jaýjúrek myń balasy” ulttyq kınoda birshama serpilisti sezdirdi. Elý mıllıon dollarǵa daıyndalǵan eki fılm, prodúser Ǵabıt Músrepovtyń bir mıllıon dollarǵa jetpeıtin “Qyz Jibek” eki serıaly kınosynyń shańyna ilese almaıdy. Sol “Qyz Jibek” rýhy qazir de ”Qazaqfılmdi” qorǵap-qolpashtaýda. Stýdıa basyna kún týsa Ǵabeń jasaǵan kınonyń akterlerdiń arýaǵyn aıtý, tirilerin alǵa shyǵarý úırenshikti ádetke aınaldy. Mundaı standartpen ǵalamdyq kıno eshqashan jasalmaıdy. Sondyqtan da, erterek qamdanyp, “Qazaqfılmdi” Alashtyń rýhanı astanasy bolǵan Semeıge kóshirgen jón. Ornyna álemdik deńgeıdegi Dısneılend salynsa, óskeleń urpaqqa jasaǵan órkenıettilik paryzymyz oryndalar edi. Bálkim sonda, mıllıonǵa jetpeıtin Almatydaǵy týrıser sany on mıllıonnan asar ma edi? Almaty Dısneılendiniń AQSH, Parıj, Tokıo, Gonkong dısneılendterinen artyqshylyǵy qaraǵaıly taý bókterinde ornalasýy. Bastysy odan túsetin paıdanyń jartysyna “Qazaqfılmge” balalar kınosyn túsirýge tapsyrys berilýine shart jasalýy mindet. Nege Semeı degen saýalǵa jaýap bereıin.
Ol kıno túsirý úshin álemdik standart alǵysharttary bar qala.
Semeılikter bir kásipti meńgergen professıonaldar. Básekelestik erekshe, búdjettik bir jalaqyǵa birneshe adam kezekte turady. Sondyqtan da mamandyqtyń maıtalmany bolý mindet. Baǵa men jalaqy, turǵyn úı Astana men Almatydan 2-3 esege tómen. Semeıdegi JOO barlyq oblystardan, shetelderden stýdentter oqıdy. 
AQSH-ta qázir bul trendte. Endeshe Amerıkandyqtar 100 jyl buryn ótken Rýhanı jańǵyrýyn aıtaıyn. Ol kezde Evropaǵa táýeldi AQSH Kongresi Rýhanı myqty, mádenıeti ózgelerge ónegeli el bolýdy josparlaıdy. Aldymen, Nú-Iorktegi barlyq kınoóndiristi Los-Anjelstegi Hollywood-qa kóshiredi. Sebep, kıno mamandary úlken qalada basqa da kásippen aınalysyp, ónerge “haltýra” qózqarasynda júrgen. Kalıfornıa shtatyndaǵy shaǵyn qalashyqta olar eriksiz Kınomen ǵana aınalasýǵa májbúr bolǵan. Nú-Iorktaǵydaı san-sala bıznes joq. Tek tekti óner. Sodan beri júz jyl ótti, Gollıvýdta 200 myńdaı ǵana turǵyn bar. Hosh, sonymen 20 jylda Gollıvýd óneri Evropany bıledi. Amerıkandar rýhy jańǵyryp, sportshylary Olımpıada da birinshi orynǵa shyqty. 
Osy nátıjege jetkende áıgili prezıdent T.Rýzvelt Mádenıet jáne Sport Mınıstrlikterin taratyp jiberedi. Amerıkandyqtar Rýhyn kótergen tulǵalardy eshkim bıleýge quqysy joq. Aqshany Fınans Mınıstrligi bóledi. Adam jan-dúnıesi “búrokrat mınıstrge” táýeldi bolsa, ǵajap óner týmaıdy deıdi. Sodan beri Álemniń 90 % shıkizaty, jer betindegi barlyq memleketter AQSH dollaryna qyzmet jasaýda…
Sony qaıtalap, qarapaıym qalaǵa aınalǵan Semeıge “Qazaqfılmdi” kóshirsek, Rýhanı jańǵyrarmyz. Semeıde Astana men Almatydaǵydaı topan aqsha joq. 2-3 jumys jasap jalaqy tabytyn taǵy eshkim joq. Jumys orny tapshy. Munda amalsyzdyqtan, ozyq elderdeı “bir adam- bir kásip-bir mamandyq” prınsıpi. Kóz kórip júrgen KINOTELE nege óspeıdi? Talanttar bar. Sol talanttar, qazyna qarjysyna jaqyndar: prodúser, dıktor, rejıser, akter, senarıst. Oǵan qosa: restoran, qonaq úı, sán salony, fıtnes qojaıyndary. Talant qansha jerden Ǵulama bolsa da, bir adam munyń bárin jasaı almasy anyq. Nátıjesi “sholaq, shala jansar” óner. Al olar Semeıge barsa bir mamandyqpen ǵana shuǵyldanady. Basqa amaldary bolmaıdy. Ol órkenıeti óreli, ónegeli elder qaǵıdasy. “Bir adam bir kásippen aınalyssyn.” Mine, bárimizge úlgili amerıkandyqtar júz jyl buryn ótken Rýhanı jańǵyrý erejesi osy. Semeıvýd soǵan saı, bizdiń Gollıvýd. Trıller túsirsen polıgon janynda. Óndiris deseńiz Pavlodar men Óskemen tıip tur. Taýlar men dala jetedi. Turǵyn úı arzan. Elimizdiń túpkir-túpkirinde júrgen júzdegen talantty qyz-jigitterdiń basyn Semeıde biriktirip baǵyń ashar edik. Óıtkeni olar jalaqysynyń 70 paıyzy jaldaıtyn páterine ketetin Almaty men Astanaǵa bara almaıdy. 
Táýelsizdikten keıin týǵan urpaqtyń áleýmettik jaǵdaıyn eskere otyryp, barlyǵynyń talanttaryn kórsetýine osylaısha bir múmkindik jasaý qajet.

Mahat Sadyqtyń feısbýk paraqshasynan