19 tamyz kúni saǵat 12.00-de «Almaty-Arena» kópfýnksıonaldy kesheninde stýdentter arasyndaǵy fýtzal boıynsha Álem Chempıonatynyń saltanatty ashylý rásimi ótedi. Mundaı aýqymdy oqıǵa TMD aýmaǵynda alǵash ret ótkizilmek.

Aıta keterlik, 2015 jyldyń qazan aıynda Almaty qalasy 2018 jyly fýtzal boıynsha álem chempıonatyn ótkizý múmkindigin utyp aldy (budan ári 2018 jylǵy Álem kýbogy). Týrnırlerge álemniń erler men áıelder quramalarynyń eń myqty komandalary qatysady: Kanada, Germanıa, Fransıa, Argentına, Jańa Zelandıa, Bolgarıa, Portýgalıa, Polsha, Horvatıa, Slovakıa, Chehıa, Reseı, Qytaı, Izraıl, Taıland, Ýkraına. Sondaı-aq, búkil álemniń kóptegen jankúıerleriniń kelýi.

2018 jylǵy Álem kýbogynyń uıymdastyrýshylary bolyp Ulttyq Stýdenttik fýtzal Lıgasy men Qazaqstan Respýblıkasynyń stýdenttik sport Federasıasy bolyp tabylady. Halyqaralyq stýdenttik sport federasıasy (FISU), Qazaqstan Respýblıkasynyń stýdenttik sport Federasıasy men fýtzal boıynsha Ulttyq Stýdenttik Lıga arasyndaǵy kelisimge sáıkes, 2018 jylǵy álem chempıonatyn ótkizý merzimi 2018 jyldyń 19-26 tamyzy aralyǵynda belgilendi.

Budan basqa, uıymdastyrý komıtetine Qazaqstan Respýblıkasy Bilim jáne Ǵylym Mınıstrligi, Qazaqstan Respýblıkasy Mádenıet jáne sport Mınıstrligi jáne Almaty qalasynyń Ákimdigi kiredi. Chempıonattyń halyqaralyq deńgeıin eskere otyryp, negizgi qonaqtar retinde FISU Atqarýshy dırektory, QR Bilim jáne ǵylym mınıstri, QR Mádenıet jáne sport Mınıstri, Almaty qalasynyń ákimi, Qazaqstan Respýblıkasynyń Stýdenttik sport Federasıasynyń Prezıdenti, Qazaqstannyń basqa da joǵary laýazymdy tulǵalary jáne halyqaralyq qatysýshy komandalardyń ókilderi qatysady.