Bıyl BQO, Oral qalasynda  Ulystyń Uly kúni - Naýryz merekesin toılaýǵa ortalyq alańǵa jıylǵandardyń qarasy ádettegiden mol boldy. Alaıda ortalyqtaǵy kádesyılar satylatyn oryndardyń  bireýinde "Qazaqstan Respýblıkasynyń" kók  týy kezdespegen. Kerisinshe  odaqtasymyz Reseıdiń memlekettik týy  jer-jerde samsap turdy.

Oraldyqtar QR Konstıtýsıasynda kórsetilgendeı QR Memlekettik týyn orynsyz qoldanýdan qorqa ma? Álde aýyldary aralas jatqan Reseıdiń  memlekettik týyna degen erekeshe qurmet pe bul? Buǵan jaýap berýge tıisti birden-bir mekeme - BQO İshki saıasat basqarmasy bolǵan soń, baılanysqa shyqqan ek,  ol jaqtaǵylar Naýryz merekesine oraı zańdy demalysta bolyp shyqty.

Al "Ýralskaıa nedelá" basylymynda atalmysh jaǵdaıǵa qatysty qyzý pikir-talas júrýde.  Birqatar belsendiler muny ultshyldardyń ýshyqtyrý áreketine balasa, endi bireýler munyń aqyryn  "Qyrym anneksıasyna" telýde. Al taǵy bir belsendiler oblystyq İshki saıasat basqarmasy men ákimniń ıdeologıalyq keńesin synǵa alýda.