Atyraý oblysy Energetıka jáne turǵyn úı-kommýnaldyq sharýashylyǵy basqarmasynyń jańa basshysy taǵaıyndaldy.
Óńir basshysy Nurlan Noǵaev oblys aktıvine Maqat aýdanynyń ákimi bolyp taǵaıyndalǵan Jumabaı Qaraǵaevtyń ornyna Energetıka jáne turǵyn úı-kommýnaldyq sharýashylyǵy basqarmasynyń jańa basshysyn tanystyrdy. Ol Energetıka jáne turǵyn úı-kommýnaldyq sharýashylyǵy basqarmasy basshysynyń mindetin atqarýshy Murat Iǵalıev boldy.
Taǵaıyndaý barysynda Nurlan Noǵaev onyń óndiristik jáne ómirlik tájirıbesi men keń bilimi qoıylǵan mindetterdi oıdaǵydaı sheshýge kómektesetindigine senim bildirip, Murat Iǵalıevtyń úlken eńbek ótilin atap kórsetti. Óńir basshysy taǵaıyndaý nátıjesinde jańa basshynyń aldyna birqatar naqty mindetter qoıdy.
Murat Iǵalıev eńbek jolyn 1984 jyly «Aqktaýtransgaz» memlekettik kásipornynda qubyrkompressorlyq sehynyń mashınısi bolyp bastaǵan.
1997 jyldan beri Mańǵystaý oblysynyń jelilik óndiristik basqarmasynda, «Intergaz Ortalyq Azıa» mekemesinde túrli qyzmetterdi atqarǵan. 2004 jyldan beri «Qazaq-Servıs» jáne «Denholm-Joldas» kompanıalarynda qaýipsizdik jónindegi ınjenerden bastap bas úılestirýshi laýazymyna deıin túrli qyzmetterde bolǵan.
2013 jyly Batys Qazaqstan oblysy Energetıka jáne turǵyn úı-kommýnaldyq sharýashylyǵy basqarmasynyń bas mamany. 2015-2016 jyldary «Jaıyqjylýqýat» AQ-da tehnıkalyq dırektor, bas dırektordyń birinshi orynbasary, bas dırektor sıaqty basshylyq laýazymdardy atqarǵan. 2016 jyly qazanda «Kazakhmarket» JSHS dırektorynyń orynbasary bolyp taǵaıyndaldy.
2017 jyldan beri Atyraý oblysy Energetıka jáne turǵyn úı-kommýnaldyq sharýashylyǵy basqarmasynyń bas mamany, basqarma basshysynyń orynbasary.
Joǵary bilimdi, Saratov memlekettik tehnıkalyq ýnıversıtetin «Ónerkásiptik jylýenergetıkasy» mamandyǵy boıynsha aıaqtaǵan.