Almatyda «2020 jylǵa deıin jastarǵa qoldaý kórsetýdiń Jol kartasy» aıasynda jastarǵa arnalǵan «Almaty Jastary» turǵyn úı baǵdarlamasynyń ekinshi kezeńi ótti, munda 35 jasqa deıingi jastarǵa jeke páter alý úshin jeńildetilgen zaem beriledi.

Turǵyn úı komısıasynyń sheshimimen baǵdarlamaǵa qatysýshy 200 adam anyqtaldy, olardyń barlyǵy «Almaty Jastary» baǵdarlamasynyń irikteý sharttarynan oıdaǵydaı ótip, «Turǵynúıqurylysbankiniń» irikteýine ıe boldy. Osyǵan qatysty tizim www.almaty-zhastary.kz portalynda jarıalandy.

«Almaty Jastary» jeńildetilgen nesıe berý baǵdarlamasy 2017 jyly bastaldy. Sol kezde jergilikti búdjetten 1 mlrd. teńge bólingen bolatyn. Túsken 6657 ótinishtiń 108-i turǵyn úı zaemdaryn aldy. 2018 jyly «Almaty Jastary» jeńildetilgen nesıe baǵdarlamasyn júzege asyrý úshin jergilikti búdjetten 2 mlrd. teńge bólindi.

«Almaty Jastary» baǵdarlamasynyń qundylyǵy tómen prosenttik kórsetkishte, ıaǵnı jyldyq 5 paıyzdyq nesıemen 10 mln. teńgege deıin zaem beriledi. Nesıeni qaıtarý merzimi árkimniń tóleý qabiletine qaraı jeke júrgiziledi, 3-ten 25 jylǵa deıin.