Almaty qalasynyń ákimi Baýyrjan Baıbek kúndelikti jumys sapary barysynda qaladaǵy stýdent jastarǵa arnalǵan jańa jataqhanalardyń qurylysynyń qarqynyn tekserip shyqty.

Bıylǵy jyly kóktemde Elbasy Nursultan Nazarbaev «Bes áleýmettik bastamany» ataı otyryp, stýdentterge arnalǵan jataqhananyń jetispeýshilik máselesin sheshýdi tapsyrǵan bolatyn. Óz kezeginde, elimizdegi barlyq joǵarǵy oqý oryndarynyń úshten biri ornalasqan Almatyda 22 myńnan asatyn stýdent jataqhanany qajet etedi eken.

Bul úshin, sońǵy úsh jylda qalamyzda 37 jańa jataqhana salýdy josparlap otyr. Búginde jeti jataqhananyń qurylysy júrip jatyr, tórteýi aǵymdaǵy jyldyń aıaǵyna deıin paıdalanýǵa berilmek.

Taǵy 12 joǵarǵy oqý ornynda 4,8 myń oryndyq jataqhana qurylysy úshin ýchaskeni anyqtap qoıdy. Sondaı-aq, qalada 19 jataqhana salý úshin jer berilip otyr.

Baýyrjan Baıbek jumys sapary barysynda Bostandyq aýdanynda salynǵan 400 oryndyq alty qabatty jańa jataqhanany kórip shyqty. Búgingi kúni munda turǵyn jáne turmystyq bólmelerdi jıhazben jabdyqtaý jumystary júrgizilýde. Qazaqstan ınjenerlik-tehnologıalyq ýnıversıteti mekemeniń engizilýimen qala syrtyndaǵy stýdentterge arnalǵan turǵyn úıge qajettilikti tolyǵymen qamtamasyz etedi.

Sonymen qatar, Asfendıarov atyndaǵy QazUMÝ janyndaǵy 600 oryndyq toǵyz qabatty jataqhana qurylysy aıaqtalýda. Qazirgi ýaqytta alańy 11 myń sharshy bolatyn ǵımarattyń ishki árleý jáne tıisti aýmaqtardy kóriktendirý jumystary júrgizilýde.

Atap aıtsaq, «Prezıdenttiń bes áleýmettik bastamasyn» júzege asyrý aıasynda bıylǵy jyly «Almaty jastary» baǵdarlamasy jalǵasýda. Jas otbasylarǵa jeke turǵyn úı satyp alýǵa múmkindik berý maqsatynda bastapqy tólemsiz 5% mólsherlememen 2 mlrd. teńge bólindi.

Qalalyq bıliktiń jumysynyń basymdyqtarynyń biri qoljetimdi turǵyn úı qurylysy bolyp tabylady. Sońǵy jyly Almatyda turǵyn úı qurylysynyń qarqyny 4 esege ósti, al ár úshinshi kezektegiler páter aldy. 1,9 mln. sharshy metr turǵyn úı nemese 16,5 myń jańa páterler salyndy. Jaqyn arada taǵy 1,5 mln. sharshy metr turǵyn úı nemese 17 myńnan asa páterler salynatyn bolady.

Elbasynyń tapsyrmasy boıynsha 2016 jyldan beri búdjet esebinen bala baqshalardyń tólem baǵasy 2,5 ese tómendedi.