Almaty shaharynyń ákimi Baýyrjan Baıbek jumys barysynda qalanyń ınjenerlik komýnıkasıalarynyń jańartý qarqynyn tekserdi. Qazirgi kezde megapolıste 12 shaqyrym jylý jelileriniń jóndeý jumystary, qoldanystaǵy gaz qubyrlarynyń keńeıtilýi jáne, 120 myńnan astam turǵynǵa arnalǵan, jańa sý qubyrlarynyń ótkizilýi aıaqtalýda.

Almaty qalasy Energetıka jáne komýnaldyq sharýashylyq basqarmasynyń basshysy Maqsýt Isahovtyń aıtýynsha, júrgin bóliktegi ınjenerlik jelilerdiń qaıta óndelýi aıdyn aıaǵynda aıaqtalady, sonymen avtokólikterdiń barlyq ýchaskelerde kedergisiz júrýi qamtamasyz etiledi. Sonymen qatar, qaıta óndeý kezinde qala turǵyndaryn úzdiksiz ystyq sýmen kamtamasyz etken, ýaqytsha kestelerdi buzý jáne aýmaqty kóriktendirý boıynsha jumys jalǵasady.

Bıylǵy jyly Tóle bı (Varlamov - Ótegen batyr - Otarskaıa jáne Rozybakıev – Tlendıev kósh.), Bógenbaı batyr (Muqanov – Aıtıev kósh.), Jambyl (Pýshkın - Nazarbaev), Qazybek bı (Ýalıhanov – Abdýllın kósh.), Qarasaı batyr (Naýryzbaı batyr – Chaıkovskıı kósh.), Chaıkovskıı (Qarasaı batyr - Tóle bı) jáne Shagabýtdınov (Qurmanǵazy - Ortalyq stadıon) kóshelerinde ınjenerlik jeliler jańartyldy.

Sońǵy jyldary Almaty qalasynda 800 shaqty shaqyrym ınjenerlik jeliler salynyp, qaıta óndeldi. Onyń ishinde 313 shaqyrym sý qubyry, 266 shaqyrym káriz júıesi, 15 shaqyrym elektr qubyrlary jáne 32,3 shaqyrym jylý qubyrlary.

Uzyndyǵy 500-deı shaqyrymdy quraıtyn 524 kóshe jáne jaıaý júrginshilerge arnalǵan, uzyndyǵy 100 shaqyrymdy quraıtyn jaıaýjol jóndeldi. Almatynyń 3 787 aýlalarynan 1 400-deı aýla jańartylyp, qaıta óndeldi. Barlyq jerasty ótkelilerdiń kúrdeli jóndeý jumystary aıaqtalýda.

Sonymen qatar, shahardyń tarıhı ortalyǵynyń qaıta jóndeý jumystary jalǵasýda. Byltyr Panfılov, Jibek joly, Gogol, Qabanbaı batyr, Tólebaev, Baıseıtova kósheleri jáne «Astana» alańy jańartylsa, bıyl Abaı dańǵyly, Abylaıhan, Dostyq, Nazarbaev, Jeltoqsan kósheleri, «Almaty-2» beketiniń aýmaǵy jáne Respýblıka Saraıynyń aldyndaǵy alań jóndelýde.