Almaty metrosy Qazaqstandaǵy tuńǵysh, Orta Azıadaǵy ekinshi jáne TMD­daǵy on altynshy metro. 

Bul týraly Almaty qalasy Óńirlik komýnıkasıalar qyzmetiniń alańynda ótken brıfıńte "Almatymetroqurylys" AQ óndiristik tehnıkalyq departamentiniń dırektory Arısova Jamılá Muratqyzy aıtty.

Onyń aıtýynsha, Almaty metrosynyń birinshi kezeginiń alǵashqy toraby 2011 jyldyń 1 jeltoqsanynda paıdalanýǵa berildi. Uzyndyǵy 8,56 kılometrlik tuńǵysh metro joly 7 beketti qamtydy: «Raıymbek batyr», «Jibek joly», «Almaly», «Abaı»,«Baıqońyr», «M. Áýezov atyndaǵy drama teatry», «Alataý».

«Almatymetroqurylys» AQ Almaty metrosynyń birinshi iske qosý kesheni boıynsha ekinshi kezektegi alǵashqy jelini támámdady.

Birinshi iske qosý keshenine qarasty «Alataý», «Saıran», «Máskeý» beketteriniń tonnelderin uńǵylaý, «Saıran» beketinen «Máskeý» beketine deıin №121,122 tómengi aınalmaly jeldetpe oqpandaryn qazý jumystary jasaldy.

Birinshi iske qosý bóliginiń uzyndyǵy 2,73 km, paıdalanýǵa beriletini 2,5 km. Ortasha tereńdigi – 14 metr shamasynda.

Almaty metropolıteniniń birinshi bóliginiń ekinshi kezegindegi alǵashqy jeli 2015 jyldyń 18 sáýirinde paıdalanýǵa berildi. «Almatymetroqurylys» Aksıonerlik qoǵamy qazirgi kezde ekinshi bólik boıynsha ekinshi kezektiń alǵashqy jelisiniń qurylysyn júrgizýde. Ekinshi kezektegi ekinshi iske qosý kesheni Abaı dańǵylynyń astymen ótetin eki beketti jelini qamtıdy. Jumys barysynda jergilikti jer jaǵdaıy, ınjenerlik­ geologıalyq erekshelikteri jáne qala qurylysy faktorlary eskerildi. Kúrejoldyń eń joǵarǵy baǵyty – 34 ‰, eń kishisi – 3 ‰–dy qurady. «Saryarqa» men «Dostyq» atty jeliler shyǵystan batysqa qaraı sozylady.Altynsarın dańǵyly men Ótegen batyr kósheleri aralyǵyndaǵy «Máskeý» beketi tonnelindegi qurylystyń bastalýy, Momyshuly men Iassaýı kósheleriniń aralyǵyndaǵy aýmaqta ekinshi bóliktiń iske qosý kesheni qurylysynyń támamdalýy.

Almaty metrosy Qazaqstandaǵy tuńǵysh, Orta Azıadaǵy Tashkentten keıingi ekinshi jáne TMD­daǵy on altynshy metro bolmaq.

2002 jyly metro qurylysy iri ınvestısıalyq joba retinde jarıalanyp, QR Prezıdentiniń buıryǵy boıynsha Almaty qalasyn órkendetýdiń 2003­2010 jyldarǵa arnalǵan memlekettik baǵdarlamasyna engizilýi, qosymsha qarjy bólinýi metro qurylysshalary úshin betburys kezeń boldy. Tutas alǵanda qarjylandyrý kóleminiń ulǵaıýy qurylys jumystarynyń kólemin arttyrýǵa, jańa ınovasıalyq tehnologıalardy engizýge múmkindik týǵyzdy.

Almaty metrosyn salýdaǵy eń bir kúrmeýi qıyn kúrdeli jaǵdaı qalanyń joǵary seısmıkalyq qaýipti aımaqta ornalasýyna baılanysty. Qala toǵyz balǵa deıingi qýatty jer silkinisi bolýy múmkin aımaqta ornalasqan. Seısmıkalyq qaýipti aımaqta qurylys júrgizý úshin qurylys tehnologıasynyń talaptary qatań saqtalýy tıis- dep sózin aıaqtady J.Muratqyzy.