Mundaı tyń aqparatty Almaty qalasynyń Óńirlik komýnıkasıalar qyzmetinde ótken brıfıńte «Metropolıten» KMK kúrdeli qurylys qyzmetiniń bólim basshysy Seıtqulov Maqsat habarlady.
Onyń aıtýynsha, qazirgi tańda ekinshi iske qosý kesheniniń qurylysy júrgizilýde, metropolıtenniń birinshi jelisi ekinshi kezeginiń ekinshi iske qosý kesheniniń ýchaske trassasy Altynsarın dańǵylynan Iassaýı kóshesine deıin batys baǵytta Abaı dańǵyly astynda ornalasqan. Aralyq tonnelder jáne pılon tıpti tereń tóselgen - Saryarqa beketi jáne tómen tóselgen - Dostyq beketi eki beketten turady.Eki joltabandy eseptegende qurylys uzyndyǵy – 3,08 km quraıdy.
Ekinshi iske qosý keshenin paıdalanýǵa bergennen keıin metropolıten qyzmetterine suranystyń boljamdy esepteriniń qorytyndylary boıynsha kúndelikti jolaýshylardyń kútiletin sany 85 myń adamnan asady. Ol metropolıtende jolaýshylar tasymalyn eleýli arttyrady jáne Abaı dańǵylyn birneshe mártege jeńildetedi.
Saryarqa beketi «Femelı» parkiniń janynda ornalasqan, beket qalanyń halyq tyǵyz ornalasqan eldi mekenderiniń birin №3, 4, 5, 6, 7, 8, 12 shaǵyn aýdandaryn qamtıdy.
Eki jerasty vestıbúli jáne kire berisi bar Dostyq beketi Momyshuly kóshesinen batysqa qaraı júris bóliginiń astynda Abaı dańǵylynyń boıynda ornalasqan. Beket Jetisý, Jetisý-2, Jetisý-4, Mamyr, Mamyr-5, Mamyr-7 shaǵyn aýdandaryn qamtıdy.
Almaty metropolıteni qurylysynyń biregeıligi asa kúrdeli geotehnıkalyq faktorlar keshenimen anyqtalady:
- Soltústik Tán-SHannyń kúrdeli aımaqtyq geodınamıkasy;
Aýmaqtyń joǵary seısmıkalylyǵy MSK shkalasy boıynsha 9-10 bal.
- Taý aralyq shuńǵymany tárizdi eńis bederi bar baý bókteri.
- Topyraq ártúrli, beriktigi tómen, edáýir mólsherdegi qoıtastardan jasalǵan malta tastar.
2016 jylǵy 24 qarashadaǵy «Saryarqa» jáne «Dostyq» beketteriniń ıntererin bekitý boıynsha eskızdi jobalardy qarastyrý jónindegi komısıa otyrysynyń hattamasynda kelesi jumystar jeńimpaz bolyp belgilendi jáne ári qaraı jobalaýǵa usynyldy:
- «Saryarqa» beketi boıynsha №2-nusqa - joba avtorlary «Metroproekt» JSHS sáýletshileri M.P.Frolov jáne I.L.Antonova.
Beket ıntererleriniń sáýlet-kórkemdik bezendirý kezindegi negizgi ıdeıasy- Saryarqanyń keń aýqymdy sulýlyǵyn jáne biregeıligin kórsetý. Panno fony kómeski jaryǵy bar mármár onıksten jasalǵan- dep atap ótti M.Baqytuly.
