Almatyda turǵyn úı jáne turǵyn úı ınspeksıasy basqarmasynyń jumysyna kóńili tolmaıtyndardyń sany artqan. Búginde olardyń ústinen túsken 20 shaǵymnyń jartysy naqtylanǵan. 

Osyǵan baılanysty Almaty qalasy Memlekettik qyzmet isteri departamentiniń vedomstvoaralyq jumys tobynyń kezekti otyrysy osy basqarmanyń memlekettik qyzmet kórsetý máselesin qarastyrdy. Odan ózge, múmkindigi shekteýli jandar úshin nysandardyń qoljetimdiligi sóz boldy. Aldaǵy ýaqytta ǵımarattarǵa pandýstardy ornatý máselesi qaraldy.  

«15 tamyzǵa deıin nysandardyń múmkindigi shekteýli jandarǵa qoljetimdiligin taǵy tekserý qajet. Buǵan deıin Memlekettik qyzmet isteri departamenti qaladaǵy memlekettik qyzmet kórsetetin oryndardy tekserip shyqty. Biraz eskertýler boldy, sonyń oryndalýyn qadaǵalaý kerek. 29 tamyzǵa deıin jaýapty organmen birlesip memlekettik qyzmet kórsetý merzimin ońtaılandyrý qajet», – dedi Memlekettik qyzmet isteri jáne sybaılas jemqorlyqqa qarsy is-qımyl agenttiginiń Almaty qalasy boıynsha departamenti basshysynyń orynbasary Shynar Álimhan.