«Djeksonvıll qalasynda atys boldy. Kartada kórsetilgen aýdanǵa jaqyndamańyzdar. Ol jer óte qaýipti. Bul BAQ-qa da qatysty» degen habarlama jarıalandy AQSH polısıasynyń Twitter paraqshasynda.
Polısıa atystyń saldarynan kóz jumǵandardyń kóp ekenin aıtady. News4Jax telearnasynyń málimetinshe, tórt adam qaıtys boldy, 11 adam jaraqattandy. Reuters agenttiginiń habarlaýynsha, atys sport kıbertýrnıriniń translásıasy júrip jatqanda, qaladaǵy meıramhanalardyń birinde bolǵan.
Los Angeles Times-tyń málimetine sáıkes, kıbertýrnırge qatysýshy Madden NFL oıynynda jeńilis tapqany úshin adamdardy ata bastaǵan.
Resmı emes derekterge sáıkes, qylmyskerdiń esimi Derek Djons. Ol buǵan deıin óziniń Twitter paraqshasynda bireýdi óltirgisi keletinin jazǵan. Qazir onyń paraqshasy buǵattalǵan.
Atys beıne kameraǵa túsip qalǵan. Ol YouTube jelisinde jarıalandy. Kadrdan oıyn prosesin kórýge bolady. Bir ýaqytta komentatordyń daýysyn oqtyń daýysy bólip jiberdi. Odan keıin kýágerler men jaraqattanǵandardyń shyńǵyrǵan daýysy shyǵady.
Polısıanyń málimetine sáıkes, qylmysker ózin de atyp tastaǵan. Polıseıler onyń sybaılasy bar bolýy múmkin ekenin aıtady.
