Almatydaǵy Naýryzbaı aýdanynda jańa fýtbol alańy ashyldy. «Týǵan jerge taǵzym» atty baǵdarlama aıasynda jasalǵan bul ıgi sharanyń shyǵynyn jeke kásipker kótergen.

Bul osy aýdanda ashylǵan 6-shy balalar alańy.

Quny 2 mıllıon teńgeni quraıtyn alańqaıda aýdan balalary endi alańsyz asyr salyp oınaýǵa kirisip-aq ketti. Jasóspirimderdiń bos ýaqyty sportpen shuǵyldanyp ótetinine ata-analar da dán rıza. Al qaltalylar qala turǵyndarynyń ıgiligi úshin áli de atqaratyn sharýanyń shash etekten ekenin alǵa tartty.  

«Bul alańdy osy aımaqta turatyn jasóspirimderge arnap saldyq. Qoldary bos kezde, ásirese, jaz mezgilinde balalar jınalyp, osynda fýtbol oınasyn degen nıetimiz iske asty. Fýtbol alańynyń ashylý kezinde balalardyń kózindegi qýanyshty kórip, ózimiz de qýanyp turmyz», – deıdi kásipker Sherdáýlet Shermuhan.