Almatydaǵy ınvestorlar sybaılas jemqorlyqtan jan-jaqty qorǵalmaq. Osy maqsatta Memlekettik qyzmet isteri jáne sybaılas jemqorlyqqa qarsy is-qımyl agenttiginiń Almaty qalasy boıynsha departamenti arnaıy joba ázirledi.

Joba aıasynda departament sheteldik kompanıalardyń quqyqtary men zańdy múddelerine, sondaı-aq bıznes-qaýymdastyqtarǵa barynsha qoldaý kórsetip, qolaıly jaǵdaılar týǵyzbaq.

«Elimizdiń kásipkerleri jáne shetelden kelgen kásipkerlerde suraqtar jáne jumystarynyń ary qaraı júrýine qatysty kómek qajet bolyp jatsa, osy joba aıasynda kómek kórsetemiz. Bul atalmysh agenttikpen birige otyryp qurylǵan jobalyq keńse. «Kazakh Invest» ulttyq kompanıasynyń» Almaty qalasyndaǵy keńsesinde jumys atqarady. Keńse Dostyq kóshesi, 202 úıde ornalasqan. Osy mekenjaıǵa kelip, bizben sóılesip, muń-muqtajy bolsa aıtýlaryna bolady», – dedi «Kazakh İnvest» UK» AQ Almaty qalasy boıynsha aımaqtyq dırektory Jandos Orazalıev.