25 tamyzda qaıtys bolǵan amerıkalyq senator Djon Makkeın jerleý rásimine AQSH prezıdenti Donald Trampty shaqyrýǵa tyıym saldy dep habarlaıdy Qamshy.kz aqparat agenttigi sheteldik BAQ-tyń deregin negizge alyp. Amerıkalyq senator Annapolıs qalasyndaǵy áskerı teńiz kúshteri akademıasynyń zıratyna jerlenedi. Al Djon Makkeınmen qoshtasý rásimi Arızona shtatyndaǵy parlament assambleıasynda ótetin bolady. Makkeın Arızona shtaty atynan Kongreste 35 jyl boıy senator bolǵan.
Jerleý rásimine deıin marqumnyń denesi Vashıngtondaǵy Rotonda kúmbezinde saqtalady. AQSH tarıhynda mundaı qurmetke ıe bolǵan 13 senatordyń biri Djon Makkeın bolmaq.
Jerleý rásimine AQSH-tyń burynǵy prezıdentteri kishi Djordj Býsh pen Barak Obama shaqyrylǵan. Bul marqumnyń ótinishi bolǵan eken. Al AQSH-tyń qazirgi prezıdenti Donald Trampty jerleý rásimine shaqyrýǵa tyıym salǵan. Sebebi Djon Makkeın óziniń partıalasy Tramptyń Sırıa, Reseı jáne Qytaı elderine qatysty saıasatyna qarsy shyqqan kórinedi.
Makkeın qaza bolǵannan keıin Tramp óziniń Twitter paraqshasy arqyly marqumnyń otbasyna kóńil aıtty.
Djon Makkeın Vetnam soǵysynyń ardageri ári tutqyny bolǵan. Ol 81 jasynda mıdyń qaterli isiginen emdelmegen kúıi ómirden ótti.
