Aıdos Sarymnyń Qoǵamdyq damý mınıstriniń shtattan tys keńesshisi bolyp taǵaıyndalýyna baılanysty Ámirjan Qosanov pikir bildirdi dep habarlaıdy Qamshy.kz aqparat agenttigi. Bul týraly saıasatker óziniń feısbýk paraqshasyna jarıalaǵan bolatyn. 

"O bastan men qoǵam men bılik arasyndaǵy dıalog máselesi abstraktili, naqty mán-mazmuny, is-qımyly joq urandardan góri ortaq taqyryptar men jobalar boıynsha naqty tirlikke ulasýy kerek ekenin aıtyp júrmin.
Aıdos sekildi tanymal, ózindik pozısıasy bar azamattyń demokratıalyq uıymdar qatarynda júrip, ókimetpen de til tabysýyn zamanaýı, memleketti alǵa jeteleıtin trendtiń biri dep bilemin.
Sol sebepti bıliktiń osynaý sheshimin, Aıdos baýyrymnyń qadamyn qoldaımyn.
Intellektýal, ultshyl ári memleketshil kúshter bılikke kelý prosesi de osymen toqtap qplmaı, óz jalǵasyn tabýy tıis.
Ózi aıtqandaı, ol "Jańa Qazaqstan" Forýmynyń qataryndaǵy qyzmetin jalǵastyra bermek. Bizdiń Forým da opozısıalyq syńaıda bolyp, halyq pen bılik arasyndaǵy shynaıy, prınsıpti dıalog týraly aıtyp keledi emes pe?

PS. Tek qana Aıdos sekildi myqtylardyń "shtattan tys" júretini janǵa batady. Ondaı jigitter "shtatqa kirip", elge, ultqa, memleketke eńbegin sińiretin kezder de alys emes!", deıdi Ámirjan Qosanov.