14 jastaǵy sportshy Qyrǵyzstannyń Tokmok qalasynda kıkboksıńten ótip jatqan jarysta qaıtys boldy dep habarlaıdy Turmush.

Saıys 17-19 tamyz aralyǵynda ótti. Sportshy rıngke Osh oblysynyń atynan shyqqan. Onyń qarsylasy da 14 jasta bolǵan.

Kýágerlerdiń aıtýynsha, birinshi raýndtyń basynda kıkbokserler bir-birine qatty soqqy jasamady.

«Sportshy kezekti soqqydan keıin shetke qaraı yǵysty da qulap qaldy. Dárigerler balaǵa dereý medısınalyq kómek kórsetti. Biraq bala esin jımady. Osydan keıin jedel járdem shaqyryldy. Alaıda jedel járdem keshikkendikten,  basqa kólikpen aýrýhanaǵa jetkizildi. Qatty soqqy almaǵandyqtan balanyń qaıtys bolyp ketkenine qatty tańǵaldyq» deıdi saıysqa kelgen kórermenderdiń biri.

Tokmok qalalyq sport mektebiniń dırektory Kýban Idınovtyń aıtýynsha, balanyń basyn qaraǵanda onyń buǵan deıin jaraqat alǵany anyqtalǵan.

«Halyqaralyq týrnırge sportshylar respýblıkanyń barlyq oblysynan keldi. Barlyǵy talapqa saı boldy. Sarapshylar balanyń basynda týrnırge deıin jaraqaty bolǵanyn anyqtady. Balanyń denesin ákesi alyp ketti» deıdi Idınov.

Jetkinshekke qatysty qajetti sot-medısınalyq saraptama júrgiziledi. Qazir tekserý jumystary júrgizilip jatyr.