Pavlodar oblysy mádenıet, arhıvter jáne qujattama basqarmasynyń basshysy Ardaq Tatymbekulynyń, onyń jubaıy men balasynyń qaıtys bolýyna baılanysty QR Mádenıet jáne sport mınıstri Arystanbek Muhamedıuly týǵan-týystary men jaqyndaryna qaıǵylaryna ortaqtasyp, kóńil aıtý jedelhatyn joldady, dep habarlaıdy Qamshy.kz aqparat agenttigi QR Mádenıet jáne sport mınıstrliginiń baspasóz qyzmetine silteme jasap.
JEDELHAT!
Pavlodar oblysy mádenıet, arhıvter jáne qujattama basqarmasynyń basshysy Ardaq Tatymbekulynyń, onyń jubaıy men balasynyń qaıtys bolýyna baılanysty týǵan-týystary men jaqyndaryna qaıǵylaryna ortaqtasyp, kóńil aıtamyn.
Ardaq Raıymbekov eńbek jolyn Pavlodar oblysy Jelezın aýdany Zaharovka jalpy orta bilim berý mektebinde qazaq tili jáne ádebıet pániniń muǵalimi bolyp bastap, sol aýdannyń jáne Kachıry aýdany ákiminiń apparatynda qyzmet etti. Aqsý qalasynyń, Pavlodar qalasynyń mádenıet jáne tilderdi damytý bólimderin basqardy. Pavlodar oblysy ákiminiń apparaty basshysynyń orynbasary qyzmetin atqardy.
2017 jyldyń qyrkúıek aıynan bastap Pavlodar oblysy mádenıet, arhıvter jáne qujattama basqarmasynyń basshysy bolyp qyzmet atqardy. Mádenıet salasynda eńbek etken Ardaq Tatymbekuly sondaı tulǵalardyń biri bolatyn.
Ardaq mádenıet pen ónerdi damytý jolynda bar kúsh-qaıratyn sarp etip, halyqtyń alǵysyn alyp júrgen asqaraly azamattardyń biri edi. Tárbıesi men baı tájirıbesi ónegeli ómir jolynan anyq kórindi. Ol ómiriniń sońǵy mınýtyna deıin qazaq óneri men mádenıetiniń baǵyt-baǵdaryna janashyr bolyp ótti.
Ardaq Tatymbekuly jarqyn beınesi barsha qazaqstandyqtardyń júreginde árdaıym saqtalady.
Qazaqstan Respýblıkasy
Mádenıet jáne sport mınıstri A. Muhamedıuly
