Atyraý oblystyq İshki ister departamentiniń basshysy Aıan Dúısembaev Mınsk oblysyndaǵy kazınoda túsirilgen daýly vıdeoǵa qatysty pikirin bildirdi, - dep habarlaıdy Qamshy.kz aqparat agenttigi Tengrinews.kz saıtynyń deregin negizge alyp.
"Zańger retinde men osy jaǵdaıǵa qatysty vıdeonyń túpnusqalylyǵyn anyqtaý maqsatynda saraptama júrgizý qajettigin aıtyp, qandaı da bir pikir bildirýden bas tarta alar edim. Alaıda meniń ómirlik ustanymdarym dostarymdy ustap berýge quqyq bermeıdi. Iá, bul vıdeoda men jáne Mahmud Meralıev túsirilgen. Vıdeo 2014 jyly túsirilgen, ol kezde men zańdy túrde alǵan eńbek demalysynda bolǵan edi. Sonda men eki dosymmen otbasylarymyzben Túrkıaǵa demalýǵa bardyq. Shamamen bir aptadan soń biz Meralıevtiń usynysymen Belarýske baryp qaıtýdy sheshtik. Onyń tanysy habarlasyp, bizdi qonaqqa shaqyrdy. Ol sondaǵy kazıno ıeleriniń biri eken. Sodan qonaqúıde otyrǵanymda maǵan Mahmudtyń áıeli dosyn úıge alyp kelýin suraǵan. Meralıev mas bolǵan. Men oǵan jetkenshe ol eki ret utys tigip úlgergen. Biraq keıin ol mas bolǵandyqtan oǵan oınaýǵa ruqsat bermegen. Aıtylǵan balaǵat sózder jaıly aıtatyn bolsaq. Vıdeony muqıat kórsek, onda meniń múlde sóılemegenimdi baıqaýǵa bolady. Kóbi dosymdy men dep oılap qalǵan", - dedi Aıan Dýısembaev.
Atyraý oblystyq İİD basshysynyń aıtýynsha, dosynyń kazınodaǵy aqshasy jelide aıtylyp jatqan sandarǵa qaraǵanda az.
"Mundaı somadaǵy aqshany memlekettik shekaradan eshbir kedergisiz alyp ótý degendi qalaı elestetesizder? Onymen qosa, kazınonyń eshqandaı da ıesi oıynshylarǵa osynshama aqshany qaryzǵa bermeıdi. Bul sandyraq sóz. Meralıevtiń 100 myń jaıly aıtyp jatqanyn estidim. Osyǵan deıin İİM ókilderi 2014 jyly júrgizilgen tekseristiń aqshanyń kazınoǵa Meralıevtiń esepshottarynan jáne kartasynan aýdarylǵanyn málimdegen edi", - dedi Aıan Dúısembaev.
Eske sala keteıik, munyń aldynda İİM ókilderi kazınoda túsirilgen vıdeoǵa qatysty túsinik bergen edi. "Sol kezde Atyraý oblystyq İİD basshysynyń birinshi orynbasary qyzmetinde bolǵan Dúısembaev dosymen birge Mınskide bolǵan. Onyń dosy oıyn mekemesine óziniń tanysyn ertip kelgen. Al dosynyń áıeli onyń bul áreketine qarsy bolǵan. Ony toqtatý úshin áıeli Dúısembaevtan kazınoǵa kelýin suraǵan. Dúısembaev ózi oınamaǵan. Oǵan 2014 jyldyń qazan aıynda júrgizilgen tekseris dálel bola alady", - degen edi QR İİM resmı ókili Almas Sádýbaev.
