Tamyzdyń 26-sy kúni «Sporttyq Almaty» baǵdarlamasynyń aıasynda alyp shaharda Konstıtýsıasy kúnine arnalǵan kezekti velosherý ótedi, dep habarlaıdy sporttyq HAB.

Kez kelgen qala turǵyny men qonaqtary tańǵy saǵat 08:30-da «Nurly Taý» bıznes ortalyǵy mańyna jınalyp, uıymdastyrýshylardan baǵaly syılyqtar oınatylatyn lotoreıanyń nómirlerin alady.

Velosherý saǵat 09:00-de bastalyp, Tuńǵysh Prezıdenti saıabaǵynda aıaqtalady. Velosherýdiń qashyqtyǵy 8 shaqyrym. Márede qatysýshylardyń arasynda baǵaly syılyqtar men velosıped oınatylady.

Uıymdastyrýshylar óz tarapynan qatysýshylarǵa arnaıy bas kıimsiz (shlemsiz) qatysýǵa tyıym salynatynyn eskertedi.

Aıta keter jaıt, bul velosherý «Sporttyq Almaty» qalalyq baǵdarlamasy aıasynda 2018 jyly josparlanǵan 21 velosherýdiń on tórtinshisi.

«Sporttyq Almaty» baǵdarlamasy alyp shaharda buqaralyq sportty damytý maqsatynda júzege asyrylyp keledi.