Aldaǵy aptada ótetin fýtzaldan stýdentter arasyndaǵy álem chempıonatynyń alǵashqy komandalary Almatyǵa keldi. Dúbirli doda uıymdastyrýshylary Germanıa, Kanada, Qytaı sportshylaryn áýejaıdan kútip aldy. 

Atalǵan jarys TMD elder arasynda alǵash ret ótkeli otyr. Shetelden kelgen komandalar dodaǵa myqtap daıyndalyp kelgen eken.

«Bul jarysta osal qarsylas joq. Júldeli oryndardan kórinemiz degen úmit bar. Chempıonat kezinde kez kelgen komandadan kútpegen nátıje kórýge bolady. Sondyqtan barlyq kezdesýde jeńiske jetýimiz kerek. Degenmen, bárin ýaqyt kórsetedi», – dedi fýtzaldan Germanıa ulttyq quramasynyń bapkeri Vendelın Kempbell.

Baıraqty básekege 17 memleketten 25 komanda qatysady. Jarystyń ashylý saltanaty 19-shy tamyzǵa josparlanǵan. Sportshylar «Almaty arena» men «Halyq arena» sport keshenderinde synǵa túsetin bolady. Álemniń túpkir-túpkirinen jınalǵan aıaqdopshylar Almatyda bir apta boıy kil myqtydan kim myqtyny anyqtaıdy.