Soltústik Qazaqstanda jańa meshit ashyldy

    Assem Almuhanbet
    Soltústik Qazaqstanda jańa meshit ashyldy

    Petropavldaǵy 20 yqsham aýdanynda jańa meshittiń saltanatty ashylý rásimi ótti. Jańa meshit 500 adamǵa shaqtalǵan, dep habarlaıdy Qamshy.kz aqparat agenttigi.

    Ashylý rásimine oblys ákimi Qumar Aqsaqalov pen Qazaqstan musylmandary dinı basqarmasynyń tóraǵasy, Bas múftı Serikbaı qajy Oraz, QR Parlamenti Senatynyń depýtaty Erik Sultanov, QR Parlamenti Májilisiniń depýtaty Abaı Tasbolatov qatysty.

    Meshit

    Jınalǵan qaýym aldynda sóz sóılegen óńir basshysy jańa meshittiń ashylýy oblystyń musylman qaýymy jáne turǵyndary úshin úlken oqıǵa ekenin atap ótti. Qazir oblysta ártúrli konfesıalardyń ókilderi bir shańyraq astynda tatý-tátti ómir súrip, oblystyń jáne elimizdiń damýyna zor úlesterin qosýda.

    Jańa meshit qalanyń aıshyqty ornyna aınaldy. Meshitiń qurylysyna 1,4 ga aýmaq jer bólindi. Ǵımarattyń aýmaǵy 2793 sharshy metrdi quraıdy. Jańa meshit ıslam dástúrleri men erejelerine saı boı kóterdi. Ǵımarat úsh deńgeıli kúmbez ben 4 birdeı munaradan turady. Sımmetrıalyq kóp qyrly munaralardyń bıiktigi 42 metrdi quraıdy.

    Meshitti abattandyrýǵa erekshe kóńil bólindi. Meshittiń janyna sýburqaq  ornatylyp, kelýshilerge yńǵaıly oryndyqtar qoıyldy. Jýyq arada bul jerde kishi saıabaq ashylady.

    Qatysty Maqalalar

    Bárimiz qazaqpyz ǵoı!

    Bárimiz qazaqpyz ǵoı!

    12:57, 06 naýryz 2025