Almatyda lıngvıs ǵalymdar latyn álipbıine negizdelgen qazaq tiliniń jańa emle erejesiniń pılottyq jobasyn talqylady.

Sh.Shaıahmetov atyndaǵy «Til-Qazyna» ulttyq ǵylymı-praktıkalyq ortalyǵy uıymdastyrǵan jıynda lıngvıs-ǵalymdar latyn qarpin engizýge qatysty usynys, pikirlerin ortaǵa saldy. 

«Úkimet bekitken josparǵa sáıkes orfografıalyq sózdik pen orfografıalyq emle jınaǵy keler jyldyń sońynda shaǵady. Bıyl negizgi erejeler, konsepsıa talqylanady. Proses kezinde týyndap jatqan suraqtar óte kóp, tıisinshe tapsyrmalar da jeterlik. Talqylaý barysy túrli jaǵdaıda jalǵasady. Óńirlerge baryp konferensıa, dóńgelek ústel, semınarlar ótkizemiz»,-dedi E.Qajybek.

Onyń aıtýynsha, qazir ǵalymdar gramatıka, fonetıka, fonologıany qazaq tiliniń zańdylyǵyna laıyqtaýda.

«Bul báriniń  kókeıinde júrgen suraq. Qazir biz baıyrǵy erejemizge bastar joldamyz. Bul jyldam bola qoıatyn nárse emes»,-dedi ǵalym.

Joǵaryda atalǵan ortalyqtyń bas dırektory Ǵarıfolla Esim latyn qarpine kezeń-kezeńmen kóshýdiń joldary týraly aıtty.

«Biz bes-alty aı kúni-tún jumys istedik. Kóp máselelerdi talqylap, sheshimder qabyldap úlgerdik. Áli da atqarylmaǵan jumystar kóp. Alǵashqyda qıyn bolady. Jobany daıyndaýdy  óz isiniń mamandary qolǵa alǵan. Óz tilimizdi bıik deńgeıge kóterý úlken is ári el tarıhyndaǵy  mańyzdy sát.»,-dedi Ǵarıfolla Esim.