Almatyda Qazaqstan Respýblıkasy men Reseı Federasıasy ishki ister mınıstrligi áriptestiginiń tórtinshi otyrysy ótip jatyr. 

Jıynǵa QR men RF İİM mınıstrleri Qalmuhanbet Qasymov pen Vladımır Kolokolsev, eki eldiń ishki ister mınıstrligindegi ortalyq apparat qyzmetkerleri men áriptestik músheleri, TMD Uıymdasqan kúresti úılestirý búrosynyń dırektory (BKBOP SNG), sondaı-aq Almaty, Almaty oblysy, Soltústik Qazaqstan men Batys Qazaqstan oblysy İİD basshylary qatysty. 

«Bizdiń shekaralar arqyly erkin taýar almasý múmkindigi paıda bolǵan soń uıymdasqan qylmys kúsheıip ketti»,-dep Qalmuhanbet Qasymov basqosýdy bastap berdi. 

Kezdesý barysynda Qazaqstan men Reseı ishki ister organdarynyń ekijaqty áriptestik máseleleri qaraldy. Atap aıtqanda, kólik quraldaryn ıemdený qylmysyna qarsy turý, sondaı-aq qylmysty zertteý kezinde jedel-krımınalıstik jáne eksperttik-krımınalıstik bólimderdiń birlesip qyzmet etýi sóz boldy. 

Otyrys sońynda qaralǵan suraqtar boıynsha birlesken sheshimge qol qoıý, kelesi otyrystyń jumys josparyn bekitý jasparlanǵan.