Búgin Respýblıkalyq medıasıa kúni. Osyǵan oraı Almatyda Dostyq úıinde «Respýblıkalyq ashyq esik kúni» ótti. 

Medıatorlar - daýlasýshy taraptarǵa janjaldy beıbit jolmen sheshýge kómektesetin bitimger.

Osy oraıda qalalyq QHA hatshylyǵy  da qoǵamdyq máselelerde ara aǵaıyndyq tanytýdan tys qalǵan emes.

«Qorǵaýshy, sýdıa, prokýror ataýlarymen qatar medıator degen termın bar. Almatynyń ózinde 500-den astam medıator qyzmet atqarady. Olar bıyldyń ózinde istiń 45 %-yn sotqa jetkizbeı sheshken. Sottyń sharýasy onsyz da shash etekten. Al usaq daýlardy medıatorlar quzyryna qaldyrǵan durys. Eń alǵash medıasıa kabıneti Almaty da ashylǵan bolatyn. Medıator sýdıa emes, ol eshkimge baǵynbaıtyn beıtarap tulǵa»,-dedi QHA tóraǵasynyń orynbasary Qazbek Mamsýrov.

Onyń sózinshe, QR «Medıtasıa týraly» Zańy qabyldanǵan kezden bastap azamattar arasyndaǵy shıelenister sotqa deıin sheshimin taba bastaǵan. Úı daýy, múlikke talas, otbasylyq kıkiljińderde eki tarapty tatýlastyrýda búginginiń bı-sheshenderi sanalatyn moderatorlardyń róli zor.

Aıta ketý kerek, «Medıasıa týraly» QR Zańy 2011 jyly 5 tamyzda kúshine engen bolatyn.

İs-sharaǵa Respýblıkalyq jáne qalalyq etnomádenı birlestikterdiń basshylary men belsendileri, Almaty qalalyq jáne aýdandyq sottarynyń, kásipodaq ókilderi, kásibı jáne kásibı emes medıatorlar, qalalyq prokýratýra organdarynyń qyzmetkerleri, medıasıa ortalyqtarynyń, QHA qurylymdarynyń ókilderi qatysty.