Almaty qalasynda trıatlonnan alǵash ret ótip jatqan «Almaty Asian Cup 2018» týrnıriniń alǵashqy jarys kúni áıelder arasyndaǵy jeńimpazdar men júldegerler anyqtaldy.
QR UOK taratqan málimetke súıensek, áıelder arasyndaǵy synǵa 16 sportshy qatysqan. Nátıjesinde, altyn júldeni Japonıa eliniń ókili Nıına Kıshımoto jeńip aldy. Kúmis júldeni taǵy bir japonıalyq sportshy Hıraký Fýkýoka ıelense, úzdik úshtikti Ońtústik Koreıa sportshysy Djı Iýn Kı qorytyndylady.
Qazaqstan atynan synǵa túsken ITU sportshysy Arına Shýlgına tórtinshi oryndy qanaǵat tútty.
Ózge de qazaqstandyq sportshylardyń kórsetkishi tómendegideı: Nadejda Bekmaǵambetova (9-oryn), Ashraf Kamalova (10-oryn), Anastasıa Avtýshko (11-oryn).
