Bul týraly Almaty qalasy Óńirlik komýnıkasıalar qyzmetiniń alańynda ótken brıfıńte Almaty qalasy Jerdiń paıdalanylýy men qorǵalýyn baqylaý basqarmasynyń basshysy Seıtenov Erjan İrgebaıuly aıtty.
Onyń aıtýynsha, basqarmamen 2018 jyldyń İ jartyjyldyǵynda barlyǵy 547 jospardan tys tekserýler júrgizilip, 515 Qazaqstan Respýblıkasy jer zańnamasyn buzýshylyq anyqtalyp, jalpy somasy 23 364 490 teńgege aıyppul túrindegi ákimshilik sharalar qoldanyldy, olardyń ishinde:
- 58 – memleket menshigindegi jerdi óz erkimen basyp alǵany úshin, olar boıynsha Qazaqstan Respýblıkasy «Ákimshilik quqyq buzýshylyq týraly» Kodeksiniń (budan ári – ÁQBtK) 136 baby boıynsha 15 812 820 teńge somasyna aıyppul salyndy;
- 13 – jer ýchaskesin nysanaly maqsatyn buza paıdalanǵany úshin, olar boıynsha ÁQBtK 339 baby 1 tarmaǵy boıynsha 480 970 teńge somasyna aıyppul salyndy;
- 6 – aýyl sharýashylyǵy maqsatyndaǵy jerdi paıdalanbaǵany úshin, olar boıynsha ÁQBtK 338 baby boıynsha 7 070 700 teńge somasyna aıyppul salyndy. ÁQBtK talaptaryna sáıkes 160 ákimshilik is bir óndiriske biriktirilip, 1 ákimshilik quqyq buzýshylyq týraly is boıynsha qaýly shyǵarylǵanyn atap ótý qajet;
- 279 – nysandar qurylysy úshin berilgen jer ýchaskelerin paıdalanbaǵany úshin, olar boıynsha jer ýchaskesin maqsaty boıynsha paıdalaný boıynsha sharalar qabyldaý jónindegi nusqamalar berildi. Atalǵan zań buzýshylyq úshin ákimshilik aıyppul kózdelmegen.
Salynǵan 77 ákimshilik aıyppuldyń:
- 13 864 825 teńge somasyna 35-i óz erkimen tólengen;
- 9 499 665 teńge somasyna 42-si májbúrlep óndirýge sot oryndaýshylarǵa joldandy.
Sonymen qatar, Basqarmamen Almaty qalasynyń sottaryna jeke jáne zańdy tulǵalarǵa tıesili nysandar qurylysy úshin berilgen paıdalanbaı jatqan 78 jer ýchaskesin májbúrlep alyp qoıý týraly talap aryzdar berilgen-dep atap ótti E.Seıtenov.
