2018 jyldyń İ-jartyjyldyǵynda náresteler ólimi 2,4%-ǵa tómendedi.
Bul týraly Almaty qalasy Óńirlik komýnıkasıalar qyzmetiniń alańynda ótken brıfıńte Pedıatrıa jáne balalar hırýrgıasy ǵylymı ortalyǵynyń dırektory Boranbaeva Rıza Zulqaınarqyzy aıtty .
Onyń aıtýynsha, 2018 jyldyń 6 aıynda náresteler ólim-jitiminiń kórsetkishi 2,4%-ǵa tómendep 8,2‰-dy qurady (2017 jyldyń 6 aıynda – 8,4‰). Kórsetkishteri respýblıkalyq mánnen joǵary deńgeıde qalyp otyrǵan óńirler: Qostanaı oblysy - 13,0‰, Soltústik-Qazaqstan – 12,3‰, Aqtóbe oblysy – 10,0‰, Atyraý oblysy – 9,8‰, Mańǵystaý oblysy - 9,6‰, Almaty oblysy – 9,4‰, Shyǵys-Qazaqstan - 9,4‰ jáne Ońtústik-Qazaqstan oblysy – 8,7‰.
Náresteler ólim-jitiminiń jas erekshelikteri boıynsha qurylymyna taldaý jasaýdyń kórsetkeni - 32,6%-dy (2017 jyldyń 6 aıynda – 35,8%) erte neonataldyq ólim-jitim quraıdy, 23,5%-dy (2017 jyldyń 6 aıynda – 24,2%) kesh neonataldyq ólim-jitim jáne 43,9%-dy (2017 jyldyń 6 aıynda – 40%) postneonataldyq ólim-jitim quraıdy.
Náresteler ólim-jitiminiń sebepteri qurylymynda jetekshi oryndaǵylar – perınataldyq kezeńde týyndaǵandar - 53,4% (2017 jyldyń 6 aıynda – 53,7%), týa bitken damý aqaýynan (ári qaraı - TDA) – 20,8% (2017 jyldyń 6 aıynda – 24,3%), ınfeksıalyq-parazıtarlyq aýrýlardan – 5,4% (2017 jyldyń 6 aıynda – 4,3%), tynys alý organdarynyń aýrýlarynan - 4,8% (2017 jyldyń 6 aıynda – 4%) jáne besinshi jetekshi orynda jazataıym oqıǵalardan - 4,2% (2017 jyldyń 6 aıynda – 4,7%).
Perınataldyq kezeń jaǵdaıynyń qurylymy kelesi patologıalarmen usynyldy: 1-shi orynda – tynys alý jáne júrek-qan tamyrlarynyń buzylystary – kórsetkishi 67,1% (2017 jyldyń 6 aıynda – 65,5%). ENK (erte neonataldyq kezeń) – 78,2%, KNK (kesh neonataldyq kezeń) – 50,2%. Sonyń ishinde:
- Dıstress-sındrom – 55,6% (ENK – 53,2%, KNK – 61,4%)
- Týa bitken pnevmonıa -23,3% (ENK -20,9%, KNK – 29,0%)
- Asfıksıa -12,9% (ENK – 16,3%, KNK – 4,8%)
2-shi orynda perınataldyq kezeńge tán ınfeksıalyq aýrýlar tur – 16,2% (ENK – 8,6%, KNK – 27,7%), onyń ishinde sepsıs – 80,5% (ENK – 81,6%, KNK – 80,0%). Jatyrishilik pnevmonıa jáne ınfeksıalyq aýrýlardyń damý jıiligi ana densaýlyǵynyń tómen ındeksine jáne olardyń zár-jynys joldarynda qabynbaly aýrýlardyń bolýyna tikeleı baılanysty.
3-shi orynda – gemorragıalyq jáne gematologıalyq buzylystar – 10,7% (ENK – 8,6%, KNK – 13,8%). Onyń ishinde bas súıek ishilik jáne jaraqattanýdan emes qan quıylýlardan 89,7% (ENK – 86,8%, KNK – 92,5%).
Bosanýdan alǵan jaraqattan náresteler ólim-jitiminiń 1,4 esege ósýi alańdatady, 2017 jyldyń 6 aıyndaǵy 0,8%-dan 2018 jyldyń 6 aıyndaǵy 1,1%-ǵa. Bosanýdan alǵan jaraqat saldarynan náresteler ólim-jitimi kelesi óńirlerde tirkeldi: Ońtústik-Qazaqstan oblysynda (2 bala – 3,0%), Astana qalasynda (1 bala – 4,8%), Qaraǵandy oblysynda (1 bala – 3,2%) jáne Almaty oblysynda (1 bala – 1,8%). 2017 jyldyń İ jarty jyldyǵynda Astana qalasynda erte neonataldyq kezeńde bosanýdan alǵan jaraqattan bala óliminiń taǵy 1 jaǵdaıy tirkelip 5,5%-dy qurady.
Neonataldyq kezeńde nárestelerden aıyrylyp qalýdyń sebepterine júrgizilgen taldaý osyndaı bosanýdan alǵan jaraqat, dıstress-sındrom, asfıksıa jáne jatyrishilik pnevmonıa tárizdi basqarýǵa keletin náresteler ólim-jitiminiń aldyn alýǵa bolatynyn kórsetti jáne ol júktilikti, bosanýdy qaraý tásilderine, nárestelerge der kezinde adekvatty, durys reanımasıa jasap jáne qarqyndy em júrgizýge baılanysty-dep sózin aıaqtady R.Boranbaeva.
