«Sanaly urpaq» jobalyq keńsesi «Sybaılas-jemqorlyqqa qarsy tehnologıalar» atty semınar-keńes ótkizdi.

Almaty qalasynyń bilim berý mekemelerinde sybaılas-jemqorlyqqa qarsy is-sharalardy kúsheıtý men bilim salasyndaǵy memlekettik qyzmetterdiń sapasyn arttyrý máseleleri boıynsha Almaty qalasynyń bilim basqarmasymen birlese «Sanaly urpaq» jobalyq keńsesi «Sybaılas-jemqorlyqqa qarsy tehnologıalar» atty semınar-keńes ótkizdi.

Sharaǵa qaladaǵy orta bilim beretin uıymdar men mektep, kolej basshylary qatysty. Kezdesý barysynda «Sanaly urpaq» jobalyq keńsesiniń jetekshisi Q.A. Tokýshev júrgizilgen taldaýdyń nátıjesinde 18 usynys engizip, onyń ishinde kolej, mektep qyzmetkerleri men stýdentterge sybaılas-jemqorlyqqa qarsy standarttardy bekitý, mektepterdegi salymdardy jınaýdy joıý, qatań túrde standarttarǵa sáıkes memlekettik qyzmetti ýaqytyly jáne sapaly negizde kórsetý máselelerin talqyǵa saldy.

Semınar aıasynda "Sanaly urpaq" jobasy sheńberinde akademıalyq adaldyq jáne sybaılas-jemqorlyqqa qarsy tehnologıalardy qamtamasyz etý tetigimen bilim beretin uıymdardyń júzege asyrylatyn baǵalaý júıesin qalyptastyrý usynylady. Boljam negizinde bul baǵalaý jyl saıyn ótkiziletin bolady. Onyń  nátıjeleri boıynsha qalyptasatyn sybaılas-jemqorlyqqa qarsy reıtıńisi orta mektep, kolej jáne joǵary oqý oryndaryna ár bilim berý deńgeıi úshin bólek júrgiziledi.

Semınar sońynda Almaty qalasynyń bilim berý basqarmasynyń basshysynyń orynbasary L.A. Jylqybaeva mektep jáne kolej dırektorlaryna óz qyzmetteri aıasynda akademıalyq adaldyq qaǵıdasyna súıene otyryp qyzmetti júzege asyrý qajettigin qadap tapsyrdy.