Tanymal franshızany Qazaqstan naryǵyna Asadel Retail kompanıasy usynyp otyr.
Almatyda úıdi jóndeý men árleýge, saıajaı men qala syrtyndaǵy ýchaskege, sonymen birge baý-baqsha jáne landshaft dızaınine arnalǵan keń aýqymdy taýar túrleri bar Qazaqstandaǵy tuńǵysh OBI gıpermarketi ashylady.
Gıpermarket Saın jáne Tóle bı kósheleriniń qıylysynda ornalasqan.
OBI – úıdi jóndeý men jaılastyrýǵa jáne baý-baqshaǵa arnalǵan DIY (“óziń jasa”) formatyndaǵy, jarty ǵasyrǵa jýyq tarıhy bar halyqaralyq gıpermarketter jelisi. Birinshi OBI 1970 jyly Germanıanyń Gambýrg qalasynda ashyldy, qazir Ortalyq jáne Shyǵys Eýropada, Reseıde 650-den astam gıpermarketi bar. Endi ol Qazaqstanda da bolady.
Almatydaǵy OBI gıpermarketi – bul “Barlyǵy qurylys pen jóndeýge arnalǵan”, “Jaryq”, “Boıaý men zerleý”, “Santehnıka men asúıler”, “Temirden jasalǵan buıymdar men elektr quraldary”, “Úıdegi tártip”, “Baý-baqsha jumaǵy” sanattaryndaǵy 45 000 saýda pozısıasy qoıylǵan jalpy aýdany 10 500 sharshy metr bolatyn saýda alańdary.
Úlken “Baý-baqsha jumaǵy” – OBI-dyń Almatydaǵy erekshe maqtanyshy. Almatydaǵy “Baý-baqsha jumaǵynyń” saýda alańy 3 500 sharshy metr aýmaqty alyp jatyr. Atalǵan bólim ataýyna sáıkes keledi. Óıtkeni munda ósimdikter, baqsha tehnıkasy men quraldary, saıajaı, baý-baqsha taýarlary, tabıǵattaǵy demalys jáne landshaft dızaınynyń keń aýqymdy suryptalymyn tabýǵa bolady.
Tanymal franshızany Qazaqstan naryǵyna Asadel Retail kompanıasy usynyp otyr.
Biz otandastarymyzdy ozyq halyqaralyq tájirıbelermen jáne jóndeý, saıajaı men baý-baqsha taýarlary naryǵyndaǵy zamanaýı sheshimdermen tanystyrýdy maqsat tuttyq. Úıdi jóndeý men jaılastyrýǵa arnalǵan taýarlar suryptalymynda qazirgi ýaqytta Eýropa, Reseı men Qytaıda óndirilgen taýarlar basym túsedi. Ár sanatta biz satyp alýshylarǵa tek keń aýqymdy suryptalym emes, sonymen birge ońtaıly baǵa satylaryn usynyp otyrmyz. Demek, satyp alýshylar barlyq baǵa segmentterinde ózderine sáıkes usynystardy taýyp alýyna jaǵdaı jasalǵan. Tutynýshylarǵa tıimdi baǵaǵa satylatyn sapaly taýar qamtamasyz etýge umtylamyz, – deıdi Asadel Retail bas dırektory Erlan Seısembaev.
