Almaty kúninde qandaı sheteldik juldyzdar óner kórsetedi?

Bul kúni Almatynyń barlyq iri alańynda oıyn-saýyq baǵdarlamasy uıymdastyrylady.

Almatylyqtardy Qala kúnimen quttyqtaýǵa LMFAO tanymal dýeti keledi.

Qala ákimi baspasóz qyzmetiniń habarlaýynsha, amerıkalyq dens-hıp-hop ujymy 16 qyrkúıek kúni Almaty Arena-da Qala kúnine arnalǵan B-DAY PARTY gala-konsertinde Redfoo baǵdarlamasymen óner kórsetedi.

Buǵan qosa, konsertke Reseıdiń “Gradýsy”, Hammali & Navai, “Malbek” toptary, Súzanna jáne basqa da mýzykanttar qatysady. Bul kúni Almatynyń barlyq iri alańynda oıyn-saýyq baǵdarlamasy uıymdastyrylady. Tuńǵysh Prezıdent parkinde, Panfılov kóshesiniń boıynda, Almaty Arena aldyndaǵy alańda, Jibek joly kóshesinde, Abaı jáne Astana alańdarynda, Ortalyq mádenıet jáne demalys saıabaǵynda, Kóktóbede ALMA FEST ótedi.

Esentaı ózeniniń boıynda ARTBAT FEST halyqaralyq qazirgi zamanǵy óner festıvali uıymdastyrylady, Jibek joly kóshesinde kilem kórme-jármeńkesi, Ortalyq mádenıet jáne demalys saıabaǵynda VII ALMATY GARDEN SHOW halyqaralyq baq festıvali, Astana alańynda Red Bull ALMA FMX JAMS motofrıstaıl shoýy bolady.

Mereke Astana alańynda otshashýmen aıaqtalady. Qala kúnine oraı 25 tamyzdan 30 qyrkúıekke deıin barlyǵy 100-den astam mádenı shara ótedi.