Ońtústik Koreıada dárigerler sýshıden ýlanǵan jergilikti turǵynnyń qolyn shyntaǵyna deıin kesken. Sebebi sýshı jegen 71 jastaǵy qarıanyń 12 saǵattan keıin sol jaq alaqany isip ketipti dep jazady Qamshy.kz aqparat agenttigi sheteldik BAQ-tyń deregin negizge alyp. Dárigerler muny shıki balyqta kezdesetin etqorekti Vibrio Vulnificus bakterıalarynyń aǵzaǵa enýinen dep túsindirdi.

Ońtústik koreıalyq dárigerler naýqastyń qolyna drenaj jasap, zalaldanǵan ulpalardy alyp tastaıdy. Keıin arnaıy antıbıotık dárilerdi jazyp bergen. Ókinishke qaraı bul em eshqandaı nátıje bermepti, tipti qoly óliettenip ketken. Sol sebepti dárigerler qarıanyń alaqany men qolynan shyntaǵyna deıin kesýge májbúr bolǵan. 

Aıta ketsek, Vibrio Vulnificus bakterıasy (vıbrıondar) – asa qaýipti aýrý qozdyrǵyshtar bolyp sanalady. Adamnyń aǵzasyna shıki teńiz ónimderi arqyly nemese ashyq jaraqatpen teńiz sýyna shomylǵanda túsýi múmkin.