Tájikstan prezıdenti Emomalı Rahmon óziniń 30 jastaǵy ulyn - Dýshanbe merin "Altyn táj" ordenimen marapattady dep habarlady Qamshy.kz aqparat agenttigi memleket basshysynyń resmı saıtynyń deregin negizge alyp.
Marapattaý rásimi Tájikstannyń táýelsizdik kúni merekesin atap ótý kezinde boldy. Emomalı Rahmon túrli kásip ıelerin marapattap, áskerıler men ishki ister organdary qyzmetkerlerine shen tabystady. Marapattalǵandar iúishnde prezıdenttiń óz uly Rýstam Emomalı de bar. Dýshanbe meri qyzmetin abyroımen atqarǵany úshin ákesi oǵan ekinshi dárejeli "Altyn táj" ordenin keýdesine taqty.
Memleket basshysy marapattalǵan memqyzmetkerler men áskerılerdiń jáne ózge de mamandardyń árbiri Tájikstan bolashaǵy úshin aıanbaı eńbek etip, ekonomıkasynyń damýyna zor úles qosady dep senim bildirdi.
Aıta keteıik, Rýstam Emomalı 2017 jyldan beri Dýshanbe qalasynyń meri qyzmetin atqaryp keledi.
