Sınoptıkterdiń málimetterine qaraǵanda, qyrkúıektiń basynda eldiń soltústik, shyǵys jáne ortalyq bólikterinde kún sýytady. Eldiń soltústiginde 1-2, ortalyqta 2-3, shyǵysta 3-4 qyrkúıek kúnderi túnde 1...6 gradýs nólden joǵary, keı jerlerde 3 gradýsqa deıin aıaz bolyp, kúndiz 8...16 gradýs jyly bolady.

Tek batys jáne ońtústik óńirlerde jaýyn-shashynsyz ystyq aýa raıy saqtalyp, temperatýra 23...30 gradýs aralyǵynda bolady.

Eldiń soltústik bóliginde qyrkúıektiń ortalary men úshinshi onkúndiginde jaýyn-shashyndy sýyq aýa-raıynyń eki tolqyny júredi. Túnde úsik júredi jáne jańbyr jaýyp arty qarǵa ulasady. Qalǵan kúnderi qysqa merzimdi bolsa da aýa temperatýrasy 15...25 gradýsqa deıin kóteriledi, al ońtústikte 23...30 gradýs ystyq saqtalady.  

Sonyń nátıjesinde qyrkúıek aıynyń ortasha aýa temperatýrasy Batys Qazaqstan, Atyraý, Mańǵystaý oblystarynda klımattyq normadan 1 gradýs joǵary, al Soltústik Qazaqstan, Aqmola, Pavlodar jáne Shyǵys Qazaqstan oblystarynda 1 gradýs tómen, qalǵan oblystarda normaǵa jýyq bolady. Batys Qazaqstan, Atyraý, Mańǵystaý, Aqtóbe, Qyzylorda, Ońtústik Qazaqstan oblystarynda aılyq jaýyn-shashyn mólsheri azdaý bolady, qalǵan óńirlerde normaǵa jýyq bolady.