Almaty qalasy Memlekettik eńbek ınspeksıasy jáne kóshi-qon basqarmasynyń kóshi-qon bólimi  qala turǵyndaryna myna jaǵdaıdy habarlaıdy: Qazaqstan Respýblıkasynyń «Halyqtyń kóshi-qony týraly» Zańyna sáıkes, elimizdiń azamattary shet elderde turatyn etnıkalyq qazaqtardyń týystaryn atamekendegi otbasymen biriktirý maqsatynda qonystandyrýǵa shaqyrtý qaǵazyn jibere alady.

Bul rette «Otbasyn biriktirý týraly» shaqyrtý qaǵazy QR Densaýlyq saqtaý jáne áleýmettik damý mınıstriniń mindetin atqarýshy atynan 2016 jylǵy 13 qańtardaǵy №13 buıryǵymen bekitilgen qaǵıdamen retteletin bolady.

Eskertetinimiz, ótinish berýshi – shet elderde turatyn etnıkalyq qazaqtardy tarıhı otanyndaǵy týǵan-týys, otbasymen biriktirý úshin qonystandyrý maqsatynda ótinish bildiretin adam Qazaqstan Respýblıkasynyń azamaty bolýy tıis. Bul rette týystar dep - úlken atasy men úlken ájesine deıingi ortaq jaqyndyǵy bar týystyq qatynastaǵy adamdar sanalady. Demek, Qazaqstan Respýblıkasynyń azamattary shet elderde turatyn etnıkalyq qazaqtardy ata-jurttaǵy otbasymen biriktirý maqsatynda qonystandyrý úshin ótinish bildirgen jaǵdaıda, Almaty qalasy Memlekettik eńbek ınspeksıasy jáne kóshi-qon basqarmasyna ótinish bildirýshilerdiń shaqyrýlary ótinishterin qabyldaǵan kúnnen bastap, bes jumys kúni ishinde qaralady jáne kýálandyrylady.

Al eger ótinish bildirýshi Qaǵıdada kózdelgen qujattardy tolyq kólemde usynbaǵan jáne (nemese) belgilengen nysan boıynsha toltyrmaǵan jaǵdaıda, onda Basqarma úsh jumys kúni ishinde ótinish berýshige jazbasha negizdemede (usynylmaǵan jáne (nemese) belgilengen nysan boıynsha toltyrylmaǵan qujattardy kórsete otyryp) jaýap jazyp, qaıtaryp jibere alady.

Jalpy Almaty qalasy Memlekettik eńbek ınspeksıasy jáne kóshi-qon basqarmasy Tóle bı kóshesi, 155-úı meken-jaıynda ornalasqan.

K.Galıeva,

Almaty qalasy Memlekettik eńbek ınspeksıasy jáne kóshi-qon basqarmasy 

Kóshi-qon bóliminiń basshysy