Búgin ulttyq ekonomıka mınıstri Tımýr Súleımenov mınıstrlik ujymyna jańadan taǵaıyndalǵan vıse-mınıstr Áset Irǵalıevti tanystyrdy. Bul týraly vedomstvonyń baspasóz hatshysy Samal Ybraeva Facebook paraqshasynda jazdy, dep habarlaıdy Qamshy.kz aqparat agenttigi.

«Onyń kandıdatýrasyn tanystyra kelip, Tımýr Súleımenov jańa orynbasardyń aldynda halyqaralyq ekonomıkalyq ıntegrasıa jáne halyqaralyq yntymaqtastyq, saýda jáne syrtqy saýda qyzmeti máselesine jetekshilik etý turǵanyn habarlady.

Mınıstr jańa orynbasardyń jınaqtaǵan tájirıbesin, bilimi men kásibı daǵdysyn qoıylǵan mindetterge qol jetkizý úshin qoldanatyndyǵyna senim bildirdi», - dep jazdy Ybraeva paraqshasyna.

Áset Irǵalıev Qazaqstandyq menedjment, ekonomıka jáne boljamdaý ınstıtýtynyń (KIMEP) memlekettik saıasat ekonomıka salasynda bakalavr dárejesinde úzdik támámdady (Almaty, Qazaqstan). Halyqaralyq Ionkopıng bıznes mektebin halyqaralyq ekonomıka salasynda ǵylym bakalavry dárejesimen (Jönköping University, Shvesıa), Iork ýnıversıtetin ekonomıkadaǵy ǵylym magıstri dárejesimen (University of York, Ulybrıtanıa), Nottıngem ýnıversıtetin ekonomıkadaǵy fılosofıa magıstri dárejesimen (The University of Nottingham, Ulybrıtanıa) aıaqtady.

Áset Irǵalıev London ekonomıka jáne saıası ǵylymdar mektebiniń PhD doktory dárejesin ıemdengen (London, Ulybrıtanıa).

Eńbek jolyn Londondaǵy Eýropalyq damý jáne qaıta qurý bankiniń (EDQB) Shyǵys Eýropa, Kavkaz jáne Ortalyq Azıa boıynsha ekonomıka departamentiniń aýmaqtyq ekonomısi retinde bastaǵan.

2013 jylǵy qańtardan bastap 2016 jylǵy maýsym aralyǵynda «Ekonomıkalyq zertteýler ınstıtýty» AQ Kásipkerlikti damytý ortalyǵynyń dırektory, basqarma tóraǵasynyń orynbasary, basqarma tóraǵasy laýazymdaryn atqarǵan.

2016 jylǵy jeltoqsannan bastap 2017 jylǵy shilde aıyna deıin Qazaqstan Respýblıkasy Premer-Mınıstriniń keńesshisi bolyp qyzmet istegen.

2017 jylǵy tamyzdan bastap Qazaqstan Respýblıkasy Premer-Mınıstri Keńsesiniń Jobalaýdy basqarý ortalyǵynda jumys istedi.

Vıse-mınıstr qyzmetine taǵaıyndalǵanǵa deıin Qazaqstan Respýblıkasy Premer-Mınıstri Keńsesiniń Jobalaýdy basqarý ortalyǵynyń meńgerýshisi laýazymyn atqardy.