2018 jylǵy 28 tamyzda Qazaqstan Respýblıkasy Qarjy mınıstrligi Qazynashylyq komıtetiniń Almaty qalasy boıynsha Qazynashylyq departamentinde Qazaqstan Respýblıkasy Memlekettik qyzmet isteri jáne sybaılas jemqorlyqqa is qımyl Agenttiginiń Almaty qalasy boıynsha Departamenti jáne Sybaılas jemqorlyqqa qarsy is-qımyl ulttyq búrosynyń Almaty qalasy boıynsha Departamenti ókilderiniń qatysýymen semınar-keńes ótkizildi. Atalǵan is-sharada talqylanǵan basty taqyryptardyń biri Qazaqstan Respýblıkasynyń sybaılas jemqorlyqqa qarsy is-qımyl isindegi aıqyn oń úrdister, olardy kúsheıtý jáne damytý, sondaı-aq memlekettik qyzmettiń damý kezeńderi men qazirgi tańdaǵy jaǵdaıy týraly.

Qazaqstan Respýblıkasy Memlekettik qyzmet isteri jáne sybaılas jemqorlyqqa is qımyl Agenttiginiń Almaty qalasy boıynsha Departamentiniń bas mamany Madıar Albanbekov óz sózinde memlekettik qyzmet salasynda júrgizilgen reformalardyń nátıjesinde sońǵy 20 jylda bizdiń el Dúnıejúzilik banktiń reıtıńinde «Úkimettiń tıimdiligi» kórsetkishi boıynsha 52 pozısıaǵa, ıaǵnı 154-ten 102-shi orynǵa deıin kóterilip, halyqaralyq standarttarǵa sáıkestikke qol jetkizdi. Sonymen birge, memlekettik apparatty jańǵyrtý jalǵastyrylýda. Odan arǵy baǵdarlar «Qazaqstan – 2050» Strategıasy men «Bolashaqqa baǵdar: rýhanı jańǵyrý» baǵdarlamalyq maqalasynda belgilengendigin atap kórsetti.

Ótkizilgen semınar-keńes barysynda qatysýshylar ózderiniń qyzyǵýshylyq bildirgen máseleleri boıynsha suraqtaryn qoıyp, jaýaptaryn aldy jáne semınar sońynda rızashylyqtaryn bildirdi.